ஒருமை

"Some" போகம்.

2011-09-07T18:30:00.002+05:30

தடுமாறும்

தருணங்களில்,

ஊன்றுகோலாய்

உதவுகிறது,

"நடுவிரல்".

வேடிக்கை மனிதனா நீ?

2011-08-26T10:37:00.002+05:30

" தின்னக்கொடுப்பவளின் எண்ணக் குறிப்புகள்."

2011-06-25T13:04:00.002+05:30

முதன் முதலாய் தொழிலுக்கு
முகங்குப்புற த்தள்ளியவனின்
முகம்.

முதல் வாடிக்கையாளன்.

முதல் ஆணுறை.

முதல் "குழு வதை."

முதல் மாத்திரை.

முதல் கஞ்சா.

முதல் ஊசி.

பண்டமாற்றாய் சக உருப்படிகளுடன் வாய்த்த
முதல் பயணம்.

முதல் ரெய்டு.

என நீளும் இந்த வாதைகளின் பட்டியல்
தாங்கவொண்ணா க்கவுச்சியா
கடைசி வர த்துரத்துது.

வீ..மிஸ்..யு ரஜினி.

2011-05-28T19:00:00.002+05:30

\நடிகர் ரஜினிகாந்த் மேல் சிகிச்சைக்காக சிங்கப்பூர் சென்றுள்ளார். அவர் சிங்கப்பூர் செல்வது முன்பு அவரது ஆடியோ பதிவு மட்டும் வெளியிட்டுள்ளனர். இந்த ஆடியோவை கேட்கும் போது மனசு மிகவும் துடிக்கிறது,ரஜினி ஒரு அதீத ஆண்மையின் அடையாளம்....என்று சொல்வதை த்தவிர என்னால் இங்கு ஒன்றும் எழுதமுடியவில்லை.அவர் பூரண குணமடைந்து விரைவில் மீண்டு வரவேண்டும் என எல்லாம் வல்ல இயற்கையை ப்பிரார்த்திக்கிறேன்.

நம்ம வோட்ட இப்படி போட்டா என்ன பாஸ்? 49[o]

2011-04-12T10:12:00.005+05:30

இன்று காலையில் முகநூலில் இருந்த போது...அன்பு நண்பர்..வார்த்தை நெசவாளர் ஈரோடு கதிர் இந்த உணர்வான பாடலை பகிர்ந்து இருந்தார்,,,இந்த பாடல் சில நாட்களுக்கு முன்னால் வந்திருந்தால்.....இன்னும் நிறைய பேருக்கு சென்றடைய ச்செய்துருக்கலாம்.இப்போதும் ஒன்றும் குறையில்லை...நண்பர்களே...ஒருதடவை இந்த வீடியோவை கேளுங்க,...பிடுச்சிருந்தா....மத்தவங்களுக்கும் பரிந்துரை பண்ணுங்க......

தீ

2011-03-31T22:14:00.002+05:30

அன்பே..

ஆச்சரிய அமுதூட்டி

உயிர்த்தீயை

வளர்க்கிறாய்.

அதிசயங்களின் பூமியில்

என்றாவது ஒருநாள்

என்னை க்குடியேறவும்

அனுமதிப்பாய்.

அதனால் தான்...

எனை க்கடக்கும்

முகங்களில்

உச்சம் கிளரும்

உன் மச்சம் தேடி..

உன்மத்தமாய் அலைகிறேன்.

தோல் பாவைக்கூத்து.

2011-01-27T11:35:00.003+05:30

என்னவோ செய்கிறாளே? என்று

தலை தூக்கிப்பார்க்கையில் தான்,

என் கால்விரல்களை த்தொட்டு

கண்களில் ஒற்றிக்கொண்டே ...

"இன்னைக்கு நம்ம கல்யாண நாளுங்க"

என்று வண்ணமதி சொன்னபோது,

எனக்குள் பரபரப்பு தொற்றிக்கொண்டது.

"லட்சுமியக்கா லீவு..

இன்னைக்கு வேலைக்கு வராது...

அதனால வெளிய பூட்டிட்டு ப்போறேன்...

சாப்பாடு பக்கத்துலயே இருக்கு...

பேசாம டி.வி.ய பாருங்க...

ஆபிஸ்ல இருந்து சீக்கிரமே வந்துடுவேன்"

என்ற போது படபடப்பும் பற்றிக்கொண்டது.

வழக்கம் போல

மாத்திரையின் மாயத்தால்,

இரவு எட்டுமணிக்கு

கண்விழித்தபோது,

தலை துவட்டிக்கொண்டிருந்தாள் வண்ணமதி.

அவளது அலுவலக

மடிக்கணினி அருகில்

அவள் வாங்கி வைத்திருக்கும்,

மல்லிகையிலிருந்து வரும் வாசனை,

நாசியில் நுழைந்து,

இதயத்தை ப்பிசைந்தது.

துண்டை ச்சேரில் போட்டவள்,

பூவை எடுத்து,

கொஞ்சம் கிள்ளி,

ரமணர் படத்துக்கு வைத்துவிட்டு,

மீதியை தலையில் ஏற்றியபடி....

பீரோவைத்திறந்து,

இடுப்பு பெல்ட்டுடன் கூடிய,

செயற்கை ஆணுறுப்பை

எடுத்துக்கொண்டு,

ஏதோ ஒரு ஹிந்திப்பாடலை,

முணுமுணுத்தபடி...

என் அருகில் வந்து,

என் இடுப்பைச்சுற்றி,

லாவகமாய் பொருத்தியபோது....

என்னையறியாமல், என் கண்களில்..

கசிந்த கண்ணீரை ..புறங்கையால் மறைத்துக்கொண்டேன்.

சாரு..வீட்டில் C.B.I ரெய்டா?

2010-12-15T18:55:00.003+05:30

பிரபல பத்திரிக்கையாளர் "பர்கா தத்தை" த்வீட்டரில் பின்தொடரும் மூன்று லட்சம் பேர்களில் நானும் ஒருவன்,சுடச்சுட தனக்கு வரும் செய்திகளை ,செய்தி அறைக்கு அனுப்பும் முன் Twitter-ல் பகிர்ந்து விடுகிறார்,இன்று அப்படித்தான்,தற்செயலாக டிவிட்டும் போது தமிழகத்தை சி .பி.ஐ.பிரித்து மேய்ந்து கொண்டிருக்கும் செய்தி கிடைத்தது.

மாலை வந்து N.D.T.V -யை ப்பார்த்தால் டெல்லியில் 7-இடங்களிலும்,தமிழகத்தில் 27 -இடங்களிலும் ரெய்டு நடந்து வருவதாக அறிவித்தது,அதில் மரியாதைக்குரிய ஜெகத் கஸ்பார் அடிகளாரின் அலுவலகமும் ஒன்று,பிறகு நக்கீரன் உதவி ஆசிரியர் காமராஜின் வீட்டிலும் இதே கதைதான்.

இந்த ரெய்டுகள் அனைத்தும் "கனிமொழியை"மையப்படுத்தி தான் என்று வெட்ட வெளிச்சமாக த்தெரிந்து விட்டது,எனவே தான் கனிமொழிக்கு நெருங்கிய நண்பர்கள்,உறவினர்களை குறிவைத்து ரெய்டு தொடரலாம் என்று கணிக்கப்படுகிறது,அந்த வகையில் கனிமொழிக்கு நெருங்கிய நண்பர் என்ற வகையில் தமிழகத்தின் பிரபல எழுத்தாளர் "சாரு நிவேதிதாவை " குறிவைத்து ரெய்டு நடக்கலாம் என எதிர் பார்க்கப்படுகிறது.

சீமானுக்கு ஒரு பரிசு.

2010-12-10T20:50:00.002+05:30

சந்தேகமாய் இருக்கிறது,நாம் வாழ்வது வடகொரியாவிலா?இல்லை சீனாவிலா?அங்கே தான் பேச்சுரிமை கிடையாது,எழுத்துரிமை கிடையாது,இங்கேயுமா?சுதந்திரமாக கருத்துகளைக்கூடவா பேசக்கூடாது?சிங்கள கடற்படையினரால் 500-க்கும் மேற்பட்ட தமிழக மீனவர்கள் கொல்லப்பட்ட நிலையில் சீமான் அவர்கள் இலங்கைக்கு கண்டனம் தெரிவித்து நடத்திய ஆர்பாட்டம் ஒன்றில் பேசிய பொழுது,இந்திய இறையாண்மைக்கு எதிராக பேசினார் என்று சொல்லி தேசிய ப்பாதுகாப்பு சட்டத்தின் கீழ் கைது செய்து கடந்த நான்கு மாதமாக சிறைக்கொட்டடியில் அடைத்து,அவரையும் அவரது நாம் தமிழர் இயக்க வளச்சியையும் முடக்கிய அரசாங்கம், நேற்று சீமானின் சீற்றத்துக்கு முன் தோற்றுப்போய்,உலக மனித உரிமை தினம் அனுசரிக்கும் இந்நாளில் விடுதலை செய்திருக்கிறது.

வேலூரில் இருந்து சென்னைக்கு வரும் வழியில் கொட்டும் மழையையும் பாராது,ஆங்காங்கே மக்கள் கூட்டம் அவரை வரவேற்று மகிழ்கிறது,இனிமேல் தமிழக அரசியலில் சீமானின் சரவெடி சத்தம் அதிரும்..சற்று பாதுகாப்பான டெசிபலில்.எனவே அன்பு த்தோழர் சீமானை வரவேற்று பாப் மார்லியின் சாகா வரம் பெற்ற இந்த ப்பாடலை பரிசாக த்தருகிறேன்.

Get up, stand up: stand up for your rights!
Get up, stand up: stand up for your rights!
Get up, stand up: stand up for your rights!
Get up, stand up: don't give up the fight!

Preacherman, don't tell me,
Heaven is under the earth.
I know you don't know
What life is really worth.
It's not all that glitters is gold;
'alf the story has never been told:
So now you see the light, eh!
Stand up for your rights. come on!

Get up, stand up: stand up for your rights!
Get up, stand up: don't give up the fight!
Get up, stand up: stand up for your rights!
Get up, stand up: don't give up the fight!

Most people think,
Great god will come from the skies,
Take away everything
And make everybody feel high.
But if you know what life is worth,
You will look for yours on earth:
And now you see the light,
You stand up for your rights. jah!

Get up, stand up! (jah, jah!)
Stand up for your rights! (oh-hoo!)
Get up, stand up! (get up, stand up!)

Don't give up the fight! (life is your right!)
Get up, stand up! (so we can't give up the fight!)
Stand up for your rights! (lord, lord!)
Get up, stand up! (keep on struggling on!)
Don't give up the fight! (yeah!)

We sick an' tired of-a your ism-skism game -
Dyin' 'n' goin' to heaven in-a jesus' name, lord.
We know when we understand:
Almighty god is a living man.
You can fool some people sometimes,
But you can't fool all the people all the time.
So now we see the light (what you gonna do?),
We gonna stand up for our rights! (yeah, yeah, yeah!)

So you better:
Get up, stand up! (in the morning! git it up!)
Stand up for your rights! (stand up for our rights!)
Get up, stand up!
Don't give up the fight! (don't give it up, don't give it up!)
Get up, stand up! (get up, stand up!)
Stand up for your rights! (get up, stand up!)
Get up, stand up! ( ... )
Don't give up the fight! (get up, stand up!)
Get up, stand up! ( ... )
Stand up for your rights!
Get up, stand up!
Don't give up the fight! /fadeout/

"எங்க ஊர் I.T PARK."

2010-12-08T18:34:00.008+05:30

மதுரையில் தொழில் நுட்ப பூங்கா அமைக்கப்பட உள்ளது என்ற அறிவிப்பு வந்து பல வருடங்களாகி விட்டது,மதுரை காமராசர் பல்கலைக்கு சொந்தமான 300 ஏக்கர் இடத்தை அரசாங்கம் கையகப்படுத்தியது,[தற்போது பல்கலைக்கு சொந்தமான ஆயிரக்கணக்கான ஏக்கரையும் மறைந்த பி.டி.ஆர்.பழனிவேல் ராசனின் தந்தை பி.டி.ராசன் அவர்கள் கொடுத்தது.]உடனே சுதாரித்துக்கொண்ட ரியல் எஸ்டேட் மாபியாக்கள் சுத்துபட்டு ஏரியா முழுவதையும் கூட்டணி அமைத்து ....விலையேற்றி..இன்றைக்கு I.T.PARK வருதோ..இல்லையோ..வீட்டுமனையின் விலை..கற்பனைக்கு எட்டாத விலை.

இந்த பகுதியில் தான் எனது வீடும் உள்ளது,தினமும் இந்த "வரும்...ஆனா..வராது"நிலைமையில் இருக்கும் தொழில்நுட்ப பூங்காவின் வழியாகத்தான் பயணம் செய்வேன்.ஒரு நாளைக்காவது இந்த பூங்காவிற்குள் போய் அப்பிடி என்னதான் நடக்குது என்று பார்த்து வர ஆசை,அது இன்றைக்கு தான் வாய்த்தது, உள்ளே,,கொஞ்சம் தொலைவுக்கு தார் சாலை மட்டும் போட்டு இருக்கிறார்கள், பிறகு எங்கு பார்த்தாலும் கருவேலங் காடாய் காட்சி தெரிகிறது,...ஆள் அரவமில்லை, டாஸ்மாக் பாட்டில்கள் உடைந்து கிடக்கின்றன, சமூக விரோதிகள் தான் இந்த பூங்காவுடன் இப்போதைக்கு புரிந்துணர்வு ஒப்பந்தம் செய்து இருப்பது அங்கே காணக்கிடைக்கும் பொருட்களை வைத்து ப்பார்த்தால் தெரிகிறது.

இப்படி பரிதாபமாக க்காட்சி தரும் இந்த பூங்காவிற்குள் இரவு நேரத்தில் சமூக விரோத செயல்கள் நடப்பதாக பேசிக்கொள்கிறார்கள், போலிஸ் காரர்கள் நிலைமை இன்னும் மோசம், மதுரை -தேனி தேசிய நெடுஞ்சாலையில் இரவு நேரத்தில் ரோந்து சுற்றும் High Way Patrol வண்டி எண்:669 -ல் பந்தாவாக பவனிவரும் இவர்கள் கிட்ட தட்ட வழிப்பறி கொள்ளையர்களாகவே மாறி இருக்கிறார்கள்.இவர்களை கவனித்து விட்டு எதையும் செய்யலாமாம், பத்து இருபது என சில்லரையாக கொடுத்தாலும் வாங்கி கொள்கிறார்களாம். இந்த நிலைமை இப்படியே போனா..பாவம் ஆட்சிக்கு த்தான் கெட்ட பேரு...குறைந்தபட்சம் I.T.பார்க் வருதோ..இல்லையோ..அங்க தொங்கி கொண்டிருக்கும் கதவுக்கு ஒரு பூட்டாவது போடலாமே.

கழிவிரக்கம்.

2010-12-04T09:35:00.003+05:30

வழக்கமாய்

வீசி எறிந்து செல்லும்

பேப்பர்க்காரன் கூட,

இப்போதெல்லாம்

பவ்யம் காட்டிச்செல்கிறான்.

வலிய..வலிய

ஊற்றுகிறான்

பால்க்காரன்

பலசரக்கு பாக்கி தர,

பத்து தேதி தாண்டினாலும்,

"பரவாயில்ல ..

இப்ப என்ன அவசரம்?"

என்கிறான் மளிகை கடைக்காரன்.

உங்களுக்கு த்தெரியுமா?

இவையெல்லாம்

"கைம் பெண்ணிற்கான

கழிவிரக்கமென்று..?"

நான் ஷோபாசக்தி ஆவது எப்படி?

2010-11-06T09:30:00.002+05:30

புலிகளை துரோகி என்றேன்.
அவர்கள் என்னை அரவணைத்துக் கொண்டார்கள்.
ஈழத் தேசியம் ஒரு கற்பிதம் என்றேன்.
பௌத்த மரபு உனக்கு வசதியாய் இருக்கும் என்றார்கள்.
பெருந்தொகையான மக்கள் கொல்லப்பட்ட போது,
நான் புலிகள் மக்களை கலைத்துப் பிடித்துச் சுட்டார்கள் என்றேன்.
எனது நூலை ஆங்கிலத்தில் கொண்டு வர உதவினார்கள்.
போருக்கு உதவிய எல்லா நாடுகள் குறித்தும் மௌனம் காத்தேன்.
சாதகமான ஒன்றைத் தேர்ந்தெடுத்து போருக்கு எதிராக நிறுத்தினேன்.
என்னை நடுநிலையாளர் என்று சான்றிதழ் கொடுத்தார்கள்.
வெளிப்படையாக வரவா என்றேன்.
இல்லை இல்லை நீ இந்த முகத்தோடு இருப்பதுதான்
எங்களுக்கு வசதி என்றார்கள்.
இதற்கு மேல் விற்க எதுவும் இல்லை என்றேன்.
அவர்களோ முட்கம்பி வேலிகளிலும் வானாந்தரங்களிலும்
வீசப்பட்ட மக்களைக் காட்டினார்கள்;
கூடவே எலும்புக் கூடுகளையும்.
இப்போது நான் சொன்னேன்
அவர்களே அவர்களை அழித்துக் கொண்டார்கள் என்று.
இனி எனது நூல்கள்
ஜெர்மன், டேனிஷ், பிரெஞ்ச், மொழிகளிலும் வரும்....
நானும் மாற்றுக்கருத்துப் பாரம்பரியத்தில் வந்த ஒருவனாவேன்.

- யாழினி

நன்றி:கீற்று

"போர் முகங்கள்."

2010-10-16T14:17:00.003+05:30

தலையை, தசையை, கண்ணை, கைகளை ஓவியமாக்கலாம். ஆற்றல் ஒன்றும் தேவையில்லை; பயிற்சியே போதும். ஆனால், பெருமூச்சை ஓவியமாக்குவது எப்படி? அதுதான் புகழேந்தியின் கலை. பாதிக்கப்பட்டவர்களின் பெருமூச்சையே புகழேந்தி ஓவியங்களாய் விதைக்கிறார். பார்க்கிறவனோ பெருமூச்சையல்ல - புயலை அவர் ஓவியங்களிலிருந்து அறுவடை செய்கிறான். துன்பப்படுகிறவர்கள், தாழ்த்தப்படுகிறவர்கள், ஒடுக்கப்படுகிறவர்கள், மிதிக்கப்படுகிறவர்கள், கொல்லப்படுகிறவர்கள் பற்றியே அவரது ஓவியங்கள் துடிப்போடு பேசுகின்றன.

கண்ணைக் கிழிக்காத, கருத்தில் உறைக்கின்ற வண்ணங்களாய் - மாந்தனின் இயல்பான விடுதலை உணர்வால் புடைத்து எழும் நரம்பாய் - தசையாய் - நாளமாய் - வெறும் அப்பல்களாய் இல்லாத வலிமைமிக்க வீச்சுக்களாய் - அவர் ஓவியங்கள்.

- உணர்ச்சிக் கவிஞர் காசி ஆனந்தன்.

******************************************************************************

கடந்த ஆண்டு மதுரை புத்தகக்கண்காட்சியில் ஓவியர் புகழேந்தி எழுதியுள்ள "தமிழீழம்"-நான் கண்டதும் என்னை க்கண்டதும்.என்ற புத்தகத்தின் மூலமாகத்தான் புகழேந்தியை ததெரிந்து கொண்டேன்.பக்கத்துக்குபக்கம் கவிஞர் காசி ஆனந்தன் சொன்னதைப்போல பெருமூச்சு தான் வருகிறது.அவரது ஓவியக்கண்காட்சியை பார்க்க வேண்டும் என்ற ஆவல் அப்பொழுதேத்தொற்றிக்கொண்டது.என் காத்திருப்பு என்னை கைவிட்டுவிடவில்லை,இன்று மதுரையில் ஓவியர் புகழேந்தியின் ஈழத்தைப்பற்றிய கண்காட்சி வடக்குமாசி வீதியில் உள்ள தருமை ஆதீனம் சொக்கநாதர் திருமணமண்டபத்தில் பொதுமக்கள் பார்வைக்காக,திரு.வை.கோ அவர்களால் தொடங்கிவைக்கப்பட்டது.

நான் உள்ளே நுழைந்தபோது பத்திரிக்கை நிருபர்களுக்கு பேட்டி கொடுத்துகொண்டிருந்தார்,உணர்ச்சிபூர்வமாக பேசினார்.....இடையில் கலைஞருக்கே வந்திருக்கும் கொலைமிரட்டல்களைப்பற்றி கொஞ்சம் நகைச்சுவையாக பேசினார்...இன்னும் கொஞ்சம் போனால்..கலைஞருக்கு வான்வழி த்தாக்குதல் மூலம் அச்சுறுத்தல் இருப்பதாக..கலைஞரே.. அறிக்கையும் விடுவார் என்றவுடன் சபை ஒருநிமிடம் சிரித்து அடங்கியது.பின் பேட்டி முடிந்து மண்டப்பதை விட்டு கிளம்பியவுடன் பொதுமக்கள் கொஞ்சம் கொஞ்சமாக கண்காட்சிக்கு வரத்தொடங்கினர்,ஓவியர் புகழேந்தியை சந்தித்து அறிமுகப்படுத்திக்கொண்டு ஓவியங்களை பார்க்கத்தொடங்கினேன்.

கொஞ்சம் கனத்த இதயத்தோடு புகைப்படங்களை எடுத்து முடித்து பார்வையாளர் கருத்துப்பதிவேட்டில் சட்டென மனசிற்குள் பட்டதை"தமிழீழம் இன்னும் உயிர்ப்புடன் தான் இருக்கிறது."என்று எழுதி பதிவிட்டு வந்தேன்.ஓவியர் புகழேந்தியை ப்போல நூற்றுக்கு ஒரு தமிழன் இருந்தால் போதுமே....."ஈழம் என்ற விடுதலை நெருப்பை அணையாமல் காக்க." என்ன நண்பர்களே..நான் சொல்வது உண்மைதானே.

ஓவியங்களை பிகாசாவில் பதிவிட்டு இருக்கிறேன்..ஒருநிமிடம் பாருங்கள்..அந்த போர் முகங்கள் சொல்லும் சேதி என்னவென்று.....

http://picasaweb.google.com/100063983887627251754/JerryEalam?authkey=Gv1sRgCKe9sOOY__CGAQ#

சீனா ராசி ..குமர லக்னம்.

2010-09-20T14:10:00.004+05:30

வலைச்சர சீனா ராசியில் குமர லக்னத்தில் உதவிகள் சுப ஜெனனம்.நைஜீரியா ராகவன் அண்ணன் அண்மையில் மதுரைக்கு வந்திருந்த போது,மதுரை ப்பதிவர்கள் ராயல் கோர்ட் ஹோட்டலில் சந்தித்து க்கொண்ட வேளையில் அருகில் அமர்ந்திருந்த ஐயா சீனா அவர்கள் குமரன் என்ற மதுரையை ச்சேர்ந்த வலைப்பதிவர் அமெரிக்காவில் பணிசெய்கிறார் என்றும்,தற்போது விடுமுறையில் மதுரைக்கு வந்திருப்பதாகவும் ,மதுரையை சுற்றி உள்ள பள்ளிக்கூடத்தில் படிக்கும் ஏழை மாணவர்களுக்கு இலவச சீருடை,போன்ற உதவிகளை அவர் மூலமாக செய்து வருகிறார் என்றும்,இதுவரை இரண்டு லட்சம் மதிப்புள்ள உதவிகளை கண்டறிந்து செய்து விட்டோம்,உங்கள் பள்ளிக்கு ஏதாவது வேண்டுமா எனக்கேட்டார்.

மீதிப்பணம் 17,000 ரூபாய் இருக்கிறது,அதற்குள் உங்கள் பள்ளிக்கு த்தேவையான தை வாங்கிக்கொள்ளுங்கள் என்றார்,அதன்படி ,உசிலம்பட்டி கல்வி மாவட்டத்தில் உள்ள செல்லம் பட்டி ஊராட்சியை சேர்ந்த நடுநிலைப்பள்ளிக்கு, 130 மாணவர்கள் பயன் பெரும் வகையில் சீருடையும்,மைக் செட்டும் [Public Distribution System] நன்கொடையாக பெற்றுக்கொடுத்தார்,கடந்த 12-ந்தேதி சீனா ஐயாவையும்,அவரது துணைவியார் செல்வி சங்கரியையும் காரில் அழைத்து சென்றேன்,அன்றைய தினம் அவர்களுக்கு திருமண நாள் வேறு..மாணவர்கள் மற்றும் சக ஆசிரியர்கள்முன்னிலையில்"கேக்"வெட்டிமகிழ்ச்சியாகஅந்தநாளைக்கொண்டாடினோம்..மாணவர்கள் அனைவருக்கும் பொறுமையாக இருவரும் சீருடைகளை வழங்கினர்...அந்த நாள் அனைவருக்கும் மகிழ்ச்சியானதாக அமைந்தது,இதற்கு மூல காரணமாக இருந்த பதிவர் குமரனுக்கு என் நன்றியை த்தெரிவித்து க்கொள்கிறேன்.

"Charity begins at Home."

"தமிழ்த்துளி தேவா பிறந்த நாள்."

2010-09-15T07:20:00.002+05:30

இன்று நமது ஆருயிர் நண்பர்,பிரபல மருத்துவரும் ,சக பதிவருமான தமிழ்த்துளி தேவன் மாயம் பிறந்த நாள்.[ வயசெல்லாம் ...கேட்கக்கூடாது...ஆமா..]

அருட்சுகம்..பொருட்சுகம்..பெற்று..இல்லறம் இனிக்க வாழ்த்துவதோடு,மருத்துவ உலகிலும்,பதிவுலகிலும் மேலும் பல சாதனைகள் புரிய உங்களோடு சேர்ந்து நானும் வாழ்த்துகிறேன்.

பாசக்கார பயபுள்ள:"ஜெரி"-மதுரை.

"இரண்டு கால் மிருகங்கள்."

2010-08-31T20:05:00.003+05:30

அதெப்படி முடிகிறதென்று தெரியவில்லை?பெற்ற பிள்ளையை,அதுவும் வயசுக்கு வந்த சிறுமியை,அவளது நடத்தையை காரணம் காட்டி,தன் கூட்டாளிகளோடு சேர்ந்து,வீட்டில் மனைவி இல்லாத நேரம் பார்த்து,விஷ ஊசியை காலில் போட்டு கொன்றதை இன்னும் ஜீரணிக்க முடியவில்லை,கௌரவ க்கொலையா என்பது கூட சந்தேகமாகத்தான் இருக்கிறது,ஆனாலும் பாருங்கள் ....மதுரைக்கு ஒன்றும் இந்தமாதிரி கௌரவ கொலைகள் ஒன்றும் புதிதல்ல....மதுரையை ச்சுற்றி உள்ள கிராமங்களில் அடிக்கடி நடப்பதுதான்.ஆனால் வெளி உலகிற்கு இது தற்கொலை என்று சொல்லப்பட்டு .கிராமத்து மயானத்தில் உடனே உடல் எரிக்கப்பட்டுவிடும்.....பெரும்பாலும் காதலும் ,சாதியும் தான் இந்த கௌரவக்கொலைக்கு காரணங்கள்.ஒரு பத்தாண்டுகளுக்கு முன் மதுரையை உலுக்கிய "கௌரவக்கொலை "இன்னும் மனசை உலுக்குக்கிறது.....

மதுரையை ஒட்டி உள்ள "செக்கானூரணி "என்ற ஊரில் இருக்கும் ஆங்கில மீடியம் பள்ளியில் பணிபுரிந்த விளையாட்டு ஆசிரியர் ஒருவர்,தன் மனசை தன்னோடு பழகிய பெண்ணிடம் பறிகொடுக்க,அது நாளடைவில் காதலாய் கசிந்துருகி,,,வீட்டுக்குத்தெரிய வர,பிரச்சினை தொடங்கியது,இருவரும் ஒரே சாதியை சேர்ந்தவர்கள் தான்,அந்த பையன் மிக ஏழ்மையான குடும்பம்,பொண்ணோ அதிக வசதி......பிரித்துப்பார்த்தும் முடியவில்லை,காவலுக்கு ஆள் வைத்தும்,காதலர்கள் தப்பி ப்போய்...யாருக்கும் தெரியாமல் திருமணம் செய்து கொண்டு,வெளியூரில் செட்டிலாகி விட்டனர்,பல மாதங்கள் கழித்து,பெற்ற மகள் மாசமாக [கருவுற்று] இருக்கிறாள் என செய்தியைககேள்வி ப்பட்டவுடன் ஊர் பெரியவர்களுடன் சேந்து போய்,பார்த்து பேசி,சமாதானம் ஆகி,பின் சில மாதங்களில் வந்த வளைக்காப்பு முடித்து,தாய் வீட்டுக்கு கூட்டிக்கிட்டு வருகிற வழியில் .....காரில் வைத்து கூட்டி வருகின்றனர், வயல் வெளிகளை த்தாண்டி,தென்னந்தோப்புகளைத்தாண்டி....ஒதுக்கு புறமாக உள்ள "மோட்டார் ரூம்" அருகில் வந்தவுடன்,அம்மாகாரி காரை விட்டு கீழே இறங்கி,மோட்டார் ரூமிற்கு போய் சேலைய மாத்தி வருகிறேன் என்று சொல்லி நடக்க ஆரம்பிக்க,தந்தையோ..மகளிடம் "ஆத்தா. அம்மா தனிய போகுதுல்ல,கூட துணைக்கு போ தாயி.."என்று சொல்லி அனுப்பி வைத்து,மகள் உள்ளே நுழைந்தவுடன்,தாய்,தந்தை இருவரும் சேர்ந்து,வீர வசனங்கள் பேசிக்கொண்டே ...."கழுத்தை நெரித்து கொன்று விடுகின்றனர்."

எப்படி......படிக்கிறப்பவே ..தலை சுத்துதா?இது மாதிரி எத்தனையோ,..இன்னும் நடக்குதுங்க....பேருந்துல எறங்கி வேலைக்கு நடந்து போய் கிட்டு இருக்கறப்பவே செய்தி காதுல வந்து விழும்,"என்னா வாத்தியாரே,நான் தான் சொன்னேன்ல....நேத்து பொழுசாயமே...மாயன் மக...சின்னவ லெட்சுமிய கட்டி த்தூக்கிட்டாணுக ப்பா"..அப்படீனா...அடிச்சுகொன்னு,தற்கொலை செய்து கொண்டது போல கயிற்றில் கட்டிவிடுவது.

கடந்த சனிக்கிழமை 28-ந் தேதி,மதுரையில் உள்ள Bell ஹோட்டலுக்கு உறவினர்களோடு இரவு சாப்பிட வந்தேன்,ஒரே நேரத்தில் 1000-பேர் கூட அமர்ந்து சாப்பிட முடியும்,

வசதியான,அனைத்துவகை உணவுகளும் கிடைக்கும் உணவகம்,நான்கு டேபிள் தாண்டி இயக்குனர் சேரன் அவரது உறவினர்களோடு சாப்பிட்டுக்கொண்டிருந்தார்,அவரைப்பார்த்தவுடன் எங்கள் டேபிளில் சினிமா பற்றிய பேச்சு வந்து ,சாப்பிட்டு முடித்து அப்பிடியே,இரவுக்காட்சி சினிமா போக முடிவுசெய்து,அருகில் உள்ள மாணிக்க வினாயகரில் "நான் மகான் அல்ல "சென்றோம்,படம் எனக்கு பிடித்து இருந்தது,இன்றைய இளைஞர்களின் தறிகெட்ட நிலையை ஆவணப்படுத்தியிருக்கிறார்,அந்த இளைஞர்களை ப்போல எல்லா ஊர்களிலும் இருக்கிறார்கள்,சென்னைக்கு,ஒரு மெரினாவும் .....கிழக்கு கடற்க்கரை சாலை போல,மதுரையிலும்,அழகர்கோவில் இருக்கிறது,சபலத்தோடு,தனியாக ஒதுங்கும் காதலர்களை குறிவைத்து,கற்பழிக்கும் கொடுரக்கும்பல் இன்னமுமிருக்கிறது,

ஆனாலும் சென்னை ECR-ல் அடர்ந்து நிற்கும் சவுக்கு த்தோப்புகளில்....எத்தனையோ இளம்பெண்கள்,இந்த மாதிரி "சைக்கோகளிடம்" சிக்கி சீரழிகின்றனர்.

காதலர்கள் மீதான வன்முறைகளும்,பாலியல் சுரண்டல்களும் சென்னை ECR- ல் அதிகம்,,,,பொதுவாக இந்த மாதிரி இரண்டு கால் மிருகங்களை நம்மால் கண்டுபிடிக்க முடியாது,நம்முடன் பயணிக்கும் சக பயணியாக இருக்கலாம்,உங்கள் வீட்டுக்கு எதிர் வீடாகவோ,பக்கத்து வீடாகவோ,இருக்கலாம்,அவ்வளவு ஏன்..?உங்க காசிலேயே பாரில் தண்ணியடித்து ....உள்ளூர் இலக்கியம் முதல் ,உலக இலக்கியம் வரை பேசும் உங்கள் நண்பனாகக்கூட இருக்கலாம்,....உங்கள் வீட்டில் உங்களோடு கூட வசிப்பவராக க்கூட இருக்கலாம்,இன்னைக்கு தேதியில மூணாறில் Hottest Tourist Spot-எது தெரியுமா? சென்னையில் இருந்து தன் கணவனை இன்ப சுற்றுலா கூட்டி வந்து,இங்கே மூணாறில் தனது கள்ளக்காதலனோடு கொன்று போட்ட இடம் தான், இப்படி இந்த மிருகங்களை உங்களால் கண்டுபிடிக்க முடியாது,தானாக வந்து மாட்டும் வரை, அது வரை கொஞ்சம் கவனமாகவே இருங்கள்.

"உமா சங்கர்."

2010-08-25T18:56:00.002+05:30

வணக்கம் நண்பர்களே,தருமி ஐயா ...உமா சங்கருக்காக ஆதரவு இடுகைகள் வேண்டி,விடுத்த அறிவிப்பை அடுத்து,எழுத வேண்டுமே என யோசித்துக்கொண்டிருக்கையில் ,இன்றைய தினம்,தினமணியில் "மதுரை பெற்றெடுத்த சிங்கம்,மாவீரன் பழ.நெடுமாறன் எழுதிய கட்டுரையை படிக்க நேர்ந்தது,படித்தேன்.....அதிர்ந்தேன்...பகிர்ந்தேன்.....தயவுசெய்து படித்துப்பாருங்கள்.

****************************************************************************************************************

இந்திய நிர்வாக அமைப்பு எஃகு அமைப்பு என ஒரு காலத்தில் அழைக்கப்பட்டது. அறிவுக் கூர்மையும், நிர்வாகத் திறனும் நிறைந்த இளைஞர்கள் தேர்ந்தெடுக்கப்பட்டு ஐ.சி.எஸ். தேர்வுக்குப் பயிற்சியளிக்கப்பட்டு உருவாக்கப்பட்டார்கள். ஐ.சி.எஸ். பயிற்சிக்கான கல்லூரி லண்டனில் மட்டுமே இருந்தது. தொடக்கக் காலத்தில் வெள்ளையர்கள் மட்டுமே இதற்குத் தேர்ந்தெடுக்கப்பட்டு இந்தியாவுக்கு அனுப்பப்பட்டார்கள்.

இந்திய வைசிராயின் நிர்வாகக்குழு, மாநில ஆளுநர்களின் நிர்வாகக் குழு மற்றும் மத்திய, மாநில அரசுகளின் தலைமைச் செயலகங்கள், மாவட்ட ஆட்சியர்கள் மற்றும் நீதிபதிகள் போன்ற உயர் பதவிகளுக்கு இவர்கள் மட்டுமே நியமிக்கப்பட்டனர். இவர்களின் கீழ் உள்ள வேலைகளுக்குத் தேவையானவர்களை இங்கிலாந்திலிருந்து கொண்டுவர முடியாது. எனவே அதற்கேற்றவர்களை இந்தியாவில் உருவாக்குவதற்காகத்தான் மெக்காலே கல்வித் திட்டம் கொண்டு வரப்பட்டது.

முதலாம் உலகப் போர் வரை இந்தியர்கள் யாரும் ஐ.சி.எஸ். படிக்க அனுமதிக்கப்பட்டதில்லை. அதற்குப் பிறகே இந்தியர்கள் இப்பயிற்சிபெற அனுமதிக்கப்பட்டார்கள். ஆனால், மிக உயர்ந்த அதிகாரப் பொறுப்பில் ஆங்கிலேயர்கள் மட்டுமே நீடித்தார்கள். இந்தியாவில் பிரிட்டிஷ் ஏகாதிபத்தியத்தின் நலனைப் பாதுகாப்பதற்கும், அரசுக்கெதிரான கிளர்ச்சிகளை ஒடுக்குவதற்கும் இவர்கள் சிறப்பான பயிற்சி பெற்றிருந்தனர். ஆனாலும் இந்தியா முழுவதிலும் முழுமையான நிர்வாக இயந்திரம் டெல்லி முதல் குக்கிராமம் வரை பிசிரின்றி இயங்கியது. வெள்ளையர்கள் வெளியேறும் போது இந்த நிர்வாக இயந்திரம் சீராக இயங்கியதால்தான் இளம் சுதந்திர அரசு சிக்கலின்றி செயல்பட முடிந்தது.

இந்தியா, பாகிஸ்தான் பிரிவினையையொட்டி நாட்டின் பல பகுதிகளில் மூண்டெழுந்த மதக் கலவரங்கள், 500-க்கும் மேற்பட்ட சுதேச சமஸ்தானங்களை இணைக்கும் முயற்சி, ஐந்தாண்டுத் திட்டங்களை நிறைவேற்றும் திறன் போன்ற முக்கியமான பிரச்னைகளை இந்த நிர்வாக இயந்திரத்தின் துணைக்கொண்டு சுதந்திர இந்திய அரசும், மாநில அரசுகளும் வெற்றிகரமாக சமாளித்தன.

மத்திய உள்துறை அமைச்சராக வல்லபாய் படேல் இருந்த காலத்தில் ஐ.சி.எஸ்.க்குப் பதில் ஐ.ஏ.எஸ்., ஐ.பி.எஸ். பயிற்சிக் கல்லூரிகளைத் தொடங்கி சுதந்திர இந்தியாவில் புதிய சூழ்நிலைக்கேற்ப அதிகாரிகளை உருவாக்கும் திட்டத்தை மேற்கொண்டார்.

இதனைத் தொடர்ந்தே ஆங்கிலேய அதிகாரிகள் கொஞ்சம் கொஞ்சமாகத் திருப்பி அனுப்பப்பட்டனர். இந்தியாவில் உள்ள சகல மாநிலங்களைச் சேர்ந்த இளைஞர்கள் ஐ.ஏ.எஸ்., ஐ.பி.எஸ்., போன்றவற்றில் தேர்ச்சி பெற்று அதிகாரிகளாகப் பொறுப்பேற்றனர்.

அதே வேளையில் மத்திய அரசிலும், மாநில அரசிலும் மக்களால் தேர்ந்தெடுக்கப்பட்ட பிரதிநிதிகள் அமைச்சர்களாகப் பொறுப்பேற்றனர். நாடாளுமன்ற ஜனநாயக முறையில் பல கட்சிகளைச் சேர்ந்தவர்கள் சட்டமன்றங்களிலும், நாடாளுமன்றங்களிலும் இடம் பெற்றார்கள். இந்த புதிய சூழ்நிலையில் அதிகார வர்க்கத்கும், அரசியல் கட்சிப் பிரதிநிதிகளுக்குமிடையே உள்ள உறவு குறித்து சிக்கல் ஏற்படாத வகையில் செயல்படவேண்டிய இன்றியமையாமை ஏற்பட்டது. பிரதமராக இருந்த நேரு அவர்களும், தமிழக முதலமைச்சர்களாக இருந்த ராஜாஜி, காமராஜர் போன்ற பல்வேறு மாநில முதலமைச்சர்களுக்கும் அரசு நிர்வாகத்தில் கட்சியினர் தலையீடு செய்வதை ஒரு போதும் அனுமதிக்கவில்லை. சில வேளைகளில் கட்சியினர் நிர்வாகத்தில் குறுக்கீடு செய்தபோது உடனடியாகத் தலையிட்டு அவர்களைத் தண்டிக்கத் தவறியதில்லை.

மக்கள் பிரச்சனைக்களுக்காக அதிகாரிகளை அணுகுவதைத் தவறாகக் கருதவில்லை. ஆனால் சட்டத்திற்குப் புறம்பானதும், நியாயமற்றதுமான பரிந்துரைகளுக்காக அதிகாரிகளை அணுகுவதை ஒருபோதும் அனுமதிக்கவில்லை.

எடுத்துக்காட்டாக சென்னையில் பருத்திச் சூதாட்டம் என்ற பெயரில் ஏழை அப்பாவி மக்கள் மோசடி செய்யப்பட்டதையும், கோவையில் பெரும் தொழிலதிபர் ஒருவர் கள்ளநோட்டு அச்சடித்துப் புழக்கத்தில் விட்டதையும் குறித்து உயர் போலீஸ் அதிகாரியாக இருந்த எப்.வி. அருள் மிகத் திறமையாகப் புலனாய்வு செய்து சம்பந்தப்பட்டவர்கள் மிகமிகச் செல்வாக்குப் படைத்தவர்களாக இருந்தும் கொஞ்சமும் தயங்காது அவர்களைக் கைது செய்தார். முதலமைச்சராக இருந்த காமராஜருக்கு பல்வேறு வகையான நெருக்கடிகள் கொடுக்கப்பட்டபோதிலும் அவர் அருள் எடுத்த நடவடிக்கைகளில் கொஞ்சமும் தலையிடவில்லை. முதலமைச்சரின் நேர்மை அவரின் கீழிருந்த அதிகாரிகளையும் நேர்மையாக்கி திறமையுடன் செயல்பட வழிவகுத்தது.

இன்னும் எவ்வளவோ எடுத்துக்காட்டுகளைக் கூற முடியும். ஆனால், இன்று நேர்மையான அதிகாரிகள் பழிவாங்கப்படுகிறார்கள். அறிவாற்றலும் திறமையும் நிறைந்த இளைஞர்கள் ஐ.ஏ.எஸ்., ஐ.பி.எஸ், தேர்வுகளில் கலந்து கொண்டு மிகக் கடுமையாக வடிகட்டப்பட்டு தேர்ந்தெடுக்கப்பட்டு அதிகாரிகளாக வருகிறார்கள். ஆனால் அவர்களை அரசியல் மலைப் பாம்புகள் சுற்றி வளைத்து மிரட்டுகின்றன.

கடந்த நாற்பது ஆண்டுகளுக்கு மேற்பட்ட திராவிடக் கட்சிகளின் ஆட்சியில் நிர்வாகம் முழுமையாகக் கட்சிக் கட்டுப்பாட்டுக்குள் கொண்டுவரப்பட்டுள்ளது. அமைச்சர்களும், மாவட்டச் செயலர்களும், சட்டமன்ற உறுப்பினர்களும் நாடாளுமன்ற உறுப்பினர்களும் - தங்கள் விரும்பியபடியெல்லாம் அரசு அலுவலர்களை ஆட்டிப் படைக்கின்றனர்.

முதலமைச்சரின் குடும்பத்திலிருந்தும், அமைச்சர்களின் குடும்பங்களிலிருந்தும் பல அதிகார மையங்கள் அதிகாரிகளை ஆட்டிப் படைக்கின்றன. இதன் விளைவாக அரசு நிர்வாக இயந்திரம் சீரழிந்து போய்க் கிடக்கிறது. இதன் காரணமாக பல அதிகாரிகள் அமைச்சர்களின் விசுவாசிகளாக கரைவேட்டி கட்டாத கட்சிக்காரர்களாக மாறியதன் விளைவாக நிர்வாக இயந்திரம் பிளவுபட்டுக் கிடக்கிறது.

ஐ.ஏ.எஸ்., ஐ.பி.எஸ். அதிகாரிகளின் பதவி உயர்வு, வேலை மாறுதல் போன்றவை முறைப்படி நடைபெறுவதில்லை. முதலமைச்சர் மற்றும் அமைச்சர்களின் விருப்பு வெறுப்புக்கேற்ப நடைபெறுவதால் பெரும்பாலான அதிகாரிகள் எதிர்த்து நிற்க முடியாமல் பணிந்து விடுகிறார்கள். ஊழலுக்குத் துணைபோகிறார்கள். நாளடைவில் அவர்களும் ஊழல்வாதிகளாக ஆகிவிடுகின்றனர். நிர்வாகத்தின் முதுகெலும்பாக விளங்கும் அதிகாரிகள், முதுகெலும்பில்லாமல் வளைந்து கொடுக்கவேண்டிய நிலைமைக்கு ஆளாக்கப்பட்டுவிட்டனர்.

ஊழலுக்குத் துணை நிற்காத அதிகாரிகள் திட்டமிட்டுப் பழிவாங்கப்படுகிறார்கள். அதற்கு சிறந்த உதாரணமாக உமாசங்கர், ஐ.ஏ.எஸ். திகழ்கிறார். மதுரை மாவட்டத்தில் 1991-1996 வரை அ.தி.மு.க. ஆட்சியின்போது கிராமங்களில் சுடுகாட்டுக் கூரைகள் அமைக்கப்பட்டதில் பெருமளவில் ஊழல் நடைபெற்று இருப்பதை அப்போதைய துணைக் கலெக்டரான உமாசங்கர் கண்டுபிடித்தார். இந்த ஊழலில் அப்போது அமைச்சர்களாக இருந்த செல்வகணபதி, ஈஸ்வரமூர்த்தி, ஊரகவளர்ச்சித் துறைச் செயலர் ஆச்சாரியலு மற்றும் பல அதிகாரிகள் சம்பந்தப்பட்டு இருப்பதாக சி.பி.ஐ. கண்டுபிடித்தது. இந்த ஊழலைக் கண்டுபிடித்த உமாசங்கரைப் பாராட்டிப் பரிசு வழங்க வேண்டிய தி.மு.க. அரசு அவர் மீதே ஊழல் குற்றச்சாட்டுகளைச் சுமத்தி தாற்காலிக வேலை நீக்கம் செய்துள்ளது.

கடந்த இரு ஆண்டுகளில் தி.மு.க. அரசின் பல துறைகளில் நடைபெற்று வரும் முறைகேடுகளை இவர் கண்டுபிடித்ததால் அடிக்கடி வெவ்வேறு துறைகளுக்கு இடமாற்றம் செய்து பழிவாங்க முயன்றது. எந்தத் துறைக்கு மாற்றினாலும் அத்துறையில் ஊழல்களை அம்பலப்படுத்தும் பணியினை இவர் தொடர்ந்தார். எனவே வேறு வழியில்லாமல் இவர் மீது பொய்யான குற்றச்சாட்டுகளைச் சுமத்தி பழிவாங்க அரசு முற்பட்டுள்ளது.

சுடுகாட்டுக்கூரை ஊழலில் குற்றம் சாட்டப்பட்டுள்ள அமைச்சர் செல்வகணபதி இப்போது தி.மு.க.வில் தஞ்சம் புகுந்து தி.மு.க.வின் சார்பில் நாடாளுமன்ற உறுப்பினராகியுள்ளார். இந்த வழக்கு விசாரணை இன்னமும் நடைபெற்று வருகிறது. முக்கிய சாட்சியான உமாசங்கர் மீதே ஊழல் புகார்கள் சுமத்தப்பட்டால் அவரது சாட்சியம் நம்பத்தகாதது ஆகிவிடும் என்பதற்காக இந்தப் பொய் குற்றச்சாட்டுகள் சுமத்தப்பட்டிருக்கக்கூடும்.

மத்திய அமைச்சர் ஆ. ராசா மீது ஒரு லட்சம் கோடி ரூபாய் பெறுமான ஊழல் குற்றம் சுமத்தப்பட்டபோது அவர் ஒரு தலித் என்பதால்தான் பழிவாங்கப்படுகிறார் என வக்காலத்து வாங்கும் முதல்வர் கருணாநிதி தனது அரசின் ஊழலை மறைக்க தலித் அதிகாரியான உமாசங்கரை பழிவாங்கத் துடிப்பது என்ன நியாயம்?

சென்னை உயர் நீதிமன்றத்துக்குள் புகுந்து நீதிபதிகளையும், வழக்கறிஞர்களையும், மிகக் கொடுமையான முறையில் தாக்கிய காவலர்களை ஏவிய சென்னை மாநகரக் கூடுதல் ஆணையர், இணை ஆணையர் ஆகியோரைப் பதவி இடைநீக்கம் செய்யவேண்டுனெ உயர் நீதிமன்றம் ஆணையிட்ட பிறகும் அவர்கள் மீது எவ்வித நடவடிக்கைகளையும் எடுக்காமல் அவர்களைக் காப்பாற்றும் வகையில் உச்ச நீதிமன்றத்தில் முறையிட அனுமதித்துள்ள முதலமைச்சர், குற்றச்சாட்டு நீதிமன்றத்தால் உறுதி செய்யப்படாத நிலையில் உமாசங்கரை மட்டும் இடைநீக்கம் செய்தது ஏன்?

ஐ.ஏ.எஸ்., ஐ.பி.எஸ்., அதிகாரிகள் மத்திய அரசின் நேரடி நிர்வாகத்திற்கு உள்பட்டவர்கள். இவர்களின் பதவிக்காலப் பதிவேடு மத்திய உள்துறையால் பராமரிக்கப்பட்டு வருகிறது.

எனவே உமாசங்கர் மீது தமிழக அரசு எடுத்துள்ள நடவடிக்கைகள் பற்றியும், தமிழக அரசு மீது உமாசங்கர் சாற்றியுள்ள குற்றச்சாட்டுகள் குறித்தும் விசாரணை நடத்த மத்திய உள்துறை அமைச்சரான ப.சிதம்பரம் முன்வர வேண்டும். அதற்குரிய துணிவும், நேர்மையும் அவருக்கு இருக்குமா? கூட்டணி நிர்பந்தங்கள் மத்திய அரசின் கண்ணை மறைக்காமல் இருக்குமா?

தன்னை நல்லாட்சிக்குச் சரித்திரம் படைத்த சோழப் பேரரசர்களுடன் ஒப்பிட்டு தனக்குத்தானே புகழாரம் சூட்டி மகிழ்ந்து கொள்ளும் முதலமைச்சர் கருணாநிதி, உண்மையிலேயே மனுநீதிச் சோழனாக இருந்திருந்தால் எப்படி இருந்திருக்கும் என்று யோசித்துப் பார்த்தால் சிரிப்பு வருகிறது. தனக்கும், தனது குடும்பத்தினருக்கும், தனது கட்சியினருக்கும் ஒரு நீதியும், மற்றவர்களுக்கு வேறொரு நீதியும் வழங்கிச் சரித்திரம் படைத்திருப்பார் என்று நம்பலாம். பாருங்களேன், கட்சிக்காரரான "தலித்' அமைச்சர் ஆ. ராசாவுக்கு ஒரு நீதி, தனது குடும்பத் தொலைக்காட்சி நிறுவனங்களுக்குத் தொந்தரவாக இருந்த "தலித்' அதிகாரி உமாசங்கருக்கு ஒரு நீதி என்பதுதானே தமிழக முதல்வரின் மனு நீதி...?

"காவ்யா ஜெயராம்."

2010-08-24T16:22:00.003+05:30

ஹைதராபாதில் நடைபெறும் சர்வதேச கணிதவியலாளர்கள் மாநாட்டில், தமிழ்நாட்டைப் பூர்வீகமாகக் கொண்ட அமெரிக்காவைச் சேர்ந்த 12 வயதுச் சிறுமி ஆய்வுக் கட்டுரை சமர்ப்பித்து சாதனை படைத்துள்ளார்.

ஹைதராபாதில் கடந்த 19-ல் துவங்கிய இந்த மாநாடு வரும் 27-ம் தேதி வரை நடைபெற உள்ளது. இதில், உலகம் முழுவதிலும் இருந்து 400-க்கும் மேற்பட்ட கணித அறிஞர்கள் பங்கேற்றுள்ளனர்.

இவர்களுக்கு மத்தியில் விளையாட்டாக சுற்றித் திரியும் 12 வயதுச் சிறுமி காவ்யா ஜெயராம், சில நாள்களுக்கு முன்பு "இன்டெகர் பார்ட்டிஷனிங்".

குறித்து தனது ஆய்வறிக்கையை சமர்ப்பித்தபோது கணிதவியல் ஜாம்பவான்கள் எல்லாரும் ஆச்சரியத்தில் ஆழ்ந்து விட்டனர். இந்த சிறுமிக்குள் இவ்வளவு கணித ஞானமா என்று வாய்விட்டு கேட்டவர்கள் பலர்.

ஆனால், இதெல்லாம் சாதாரணம், காவ்யாவின் ஆய்வு முடிவுகள், சர்வதேச எண் கணித இதழில் ஏராளம் வெளிவந்துள்ளன என்று அவரது தாயார் சுபத்ரா பெருமிதம் பொங்க கூறுகிறார்.

அமெரிக்காவின் கலிபோர்னியா பே பகுதியில் வசிக்கும் காவ்யாவின் குடும்பத்தினர் தமிழகத்தைப் பூர்வீகமாகக் கொண்டவர்கள். அங்குள்ள ஆரம்பப் பள்ளியில் சிறுமியின் அறிவுப் பசிக்கு ஆசிரியர்களால் தீனி போட முடியவில்லை.

ஐந்து வயதில் அவர் 7-ம் வகுப்பு தேர்ச்சி பெற்று விட்டார். 7 வயதில் உயர் கல்வியை முடித்து விட்டார். இப்போது கல்லூரியில் படித்து வரும் காவ்யா, சிறு வயது முதல் கணக்கையே முழுநேர உணவாக உண்டு வாழ்கிறாள்.

"வீட்டில் அவருக்கு யாரும் எதுவும் கற்றுக் கொடுப்பதில்லை. பள்ளி முடிந்து வந்ததும் அவராகவே கணக்குப் புத்தகங்களை எடுத்துப் படிக்கத் துவங்கி விடுவார். இயல்பாகவே அவர் ஒரு குழந்தை மேதாவி. அவரைப் போல உள்ள குழந்தைகளை எப்படி வளர்ப்பது என்பது குறித்து இணையதள பிளாக்கில் நான் அறிவுரை கூறி வருகிறேன்' என்கிறார் அவரது தாயார் சுபத்ரா.

தாய்மொழியான தமிழில் காவ்யாவுக்கு எழுதவும், படிக்கவும் தெரியும். ஆனால், சரளமாகப் பேச வராது என்று கவலைப்படுகிறார் சுபத்ரா.

மலைமலையாக குவியும் பாராட்டுகளைக் கண்டுகொள்ளாமல் மான்குட்டியாகத் துள்ளித் திரியும் காவ்யா, மாநாட்டில் சமர்ப்பிக்கப்படும் ஆய்வுக் கட்டுரைகளில் மட்டுமே தனது முழு கவனத்தையும் செலுத்துகிறார்.

"குழந்தைகள் முதல் பல்கலைக்கழக மாணவர்கள் வரை கணக்கு என்றால் ஏன் கசக்கிறது என்பது எனக்குப் புரியவில்லை. கணக்கைப் போன்ற இனிமையான பாடம் வேறு எதுவும் இல்லை' என்று வெள்ளந்தியாகச் சிரிக்கிறார் அச் சிறுமி.

சென்னையில் உள்ள கணித அறிவியல் நிறுவனத்தில் படிக்க விரும்புவதாகவும், எதிர்காலத்தில் அமெரிக்காவில் உள்ள பெர்க்கிலே அல்லது ஸ்டான்போர்டு பல்கலைக்கழகத்தில் சேர இருப்பதாகவும் அவர் மேலும் கூறினார்.

கணிதம் மட்டுமன்றி இசையிலும் அதிக ஆர்வம் காட்டி வருகிறாள் காவ்யா. மேற்கத்திய இசையோடு, இந்திய இசையை ஒப்பிட்டு ஆய்வு நடத்தி வரும் அவர், "கலிபோர்னியா யூத் சிம்பொனி' இசைக் குழுவில் பிரதான வயலின் இசைக் கலைஞராகவும் ஜொலிக்கிறார்.

உலகின் அறிவார்ந்த சமூகம் நம் தமிழ் சமூகம் என்பது, உலகரங்கில் தொடர்ந்து நிருபிக்கப்பட்டு வருவது மகிழ்ச்சியைத்தருகிறது,உங்களோடு சேர்ந்து இந்த குட்டிச்செல்லத்தை வாழ்த்துகிறேன்.

கார்மென் பிராம்ளி.

2010-08-18T20:05:00.004+05:30

Carmen Bramly

இன்றைய தேதியில் பிரான்ஸ் நாட்டில் ஹாட்டஸ்ட் டாபிக் இந்த பதினைந்து வயது பள்ளிச்சிறுமி தான்,கவிதைகளையும்,சிறு கதைகளையும் எழுதி கொண்டிருந்த கார்மென் சத்தமில்லாமல் கடந்த ஒரு வருடமாக எழுதி முடித்த முதல் நாவலை [Pastel Fauve] பிரான்சின் புகழ் பெற்ற புத்தக நிறுவனம் அடுத்த வாரம் வெளியிட இருக்கிறது.

அப்படி என்ன அதில் ஸ்பெசல் என்றால்,கார்மெனின் கதை நாயகி "பலோமா" தனது பதினான்காவது வயதில் தனது கன்னித்தன்மையை அவளது காதலன் "டோஹர்டிக்கு "காதல் பரிசாக கொடுத்ததை பற்றியும்,இன்னபிற கிளுகிளுப்பான விசயங்களையும் அப்பட்டமாக எழுதியிருப்பதால் இலக்கிய உலகின் இள வட்டாரங்களில் பரபரப்பு தொற்றிக்கொண்டுள்ளது.

இதையடுத்து பிரான்ஸ் நாட்டின் புகழ்பெற்ற எழுத்தாளர்களின் வரிசையில் கார்மெனும் இடம் பெற்று விட்டார்,பிரான்ஸ் நாட்டின் கலை இலக்கிய வளமும்,பண்பாடும் உண்மையிலேயே உலகிற்கு ஒரு கொடை தான்,இந்நேரம் நம் நாடாக இருந்திருந்தால் இந்நேரம் என்ன ஆகியிருக்கும் என நினைத்துப்பார்த்தேன் ...

இங்கே பெண்களால் ஒளிவு மறைவின்றி,மனசுக்கு பட்டதை எழுதி விடமுடியுமா? காதலர் தினத்தைகூட பயந்து ..பயந்து தானே கொண்டாட வேண்டியிருக்கிறது,கலாச்சார தாலிபான்களால் நாம் காவல் காக்கப்படுகிறோம் என்பது தான் உண்மை,நான் இங்கே குறிப்பிடுவது ஒழுக்கம் சார்ந்த விடயமல்ல,"சுதந்திரமான ,பரந்துபட்ட,கலை இலக்கிய வெளியை."

லேண்டு மாபியாஸ்.

2010-08-16T19:59:00.002+05:30

வயல் வரப்புகளுக்காக வெட்டி மடிந்த சகோதரர்கள் பற்றிய கதைகள் இந்த மண்ணுக்குப் புதியதல்ல. ஆனால் அத்தகைய கொலைகள் வெறும் உணர்ச்சிக் கொந்தளிப்பின் மேலீட்டால் நடந்தவையாகத்தான் இருந்து வந்தது. ஆனால், தற்போது தமிழ்நாட்டில், சகோதரர்களைத் தூண்டிவிட்டு, கூலிப் படைகள் கொலை செய்யும் அளவுக்கு வரம்புகள் எல்லை மீறிச் சென்றுள்ளன.

இரு தினங்களுக்கு முன்பு, சேலம் அருகே உள்ள தாசநாயக்கன்பட்டியில் ஒரே குடும்பத்தைச் சேர்ந்த 6 பேர் வெட்டிக் கொலை செய்யப்பட்ட வழக்கில் கடைசி வாரிசான சிவகுரு என்கிற சிறுநீரக நோயாளி, தானே இந்தக் கொலைகளைச் செய்துள்ளதாகச் சென்னையில் சரணடைந்தபோதிலும், இந்தக் கொலையைச் செய்தவர்கள் நிலம் பறிக்கும் கும்பல்தான் என்பதைக் காவல்துறை உள்பட அனைவரும் உறுதியாக நம்புகின்றனர். இதன் பின்புலத்தில் சில அரசியல்வாதிகள் இருப்பதாகவும் வெளிப்படையாகச் சொல்லப்படுகிறது. ஆனால் யாரும் இதுவரை கைது செய்யப்படவில்லை. போலியாக பவர் ஆப் அட்டார்னி தயாரித்து வைத்துக்கொண்டு கொலை மிரட்டல் விடுக்கின்றனர் என்று ஏற்கெனவே காவல்நிலையத்தில் புகார் செய்தும்கூட, நடவடிக்கை இல்லை என்பதால்தான் இந்தக் கொலைகள் நடந்துள்ளன.

இந்தக் கொலைகள் நடந்த பண்ணை வீட்டுக்கு வந்த மோப்ப நாய், அங்கே தூவப்பட்டிருந்த மிளகாய்ப் பொடி காரணமாக, வீட்டுக்கு உள்ளேயும் நுழையாமல் திரும்பியது. கொல்லப்பட்டவர்களில் ஒருவரான தந்தை முன்னாள் காவல் ஆய்வாளர். ஒரு சகோதரருக்குக் கராத்தே தெரியும். ஆகவே இது கூலிப்படையின் செயல் என்றே எல்லோரும் சொல்கிறார்கள்.

சென்ற ஆண்டு, சென்னை கிழக்குக் கடற்கரைச் சாலையில் ஒருவர் துப்பாக்கியால் சுட்டுக் கொல்லப்பட்டதும், கொலையாளியைப் பொதுமக்கள் பிடித்து காவல்துறையிடம் ஒப்படைத்த பின்னர் அவர் இறந்து போனார் என்பதும் பெரும் பரபரப்பாகப் பேசப்பட்டது. அந்தக் கொலையும், கொலையான நபருக்குச் சொந்தமான சில ஏக்கர் நிலத்தை விற்க மறுத்ததால் நிகழ்த்தப்பட்ட கொலை என்றும், இதில் இரு முக்கிய அரசியல்வாதிகளின் சகோதரர் மற்றும் மகன் சம்பந்தப்பட்ட நிலபேரம் காரணம் என்றும் பேசப்பட்டது. கொலையாளி காவல் நிலையத்தில் எப்படி இறந்தார் என்பதை விசாரிக்க குழு அமைத்தார்கள். என்ன ஆயிற்று? மக்கள் மறந்தே போனார்கள்.

இன்று தமிழகத்தில் ரியல் எஸ்டேட் பிஸினஸ் என்ற பெயரில் மிகப்பெரும் மோசடிகள் அரசியல்வாதிகளின் ஆசியுடன், கடைக்கண் பார்வையுடன் அரங்கேறிக் கொண்டிருக்கிறது. முக்கியமான ஓர் இடத்தில் காலி மனை அல்லது பழைய வீடு இருக்குமானால், இந்தக் கூட்டம் உள்ளே நுழைந்து, விற்றுவிடுங்கள் என்று ஆலோசனை சொல்கிறது. மறுத்தால் கொலை மிரட்டல் விடுக்கிறது. விற்கச் சம்மதித்தால், விலையை அவர்கள் தீர்மானிப்பார்கள். பவர் ஆப் அட்டார்னி பத்திரம் செய்து அவர்களிடம் கொடுத்துவிட வேண்டும். இரண்டு மடங்கு விலைக்கு விற்றுவிட்டு, பேசிய தொகையில் பாதியை உரிமையாளர்களிடம் கொடுத்துவிட்டு, மிச்சத் தொகையை இந்தக் கூட்டம் அப்படியே பங்குபோட்டுக் கொள்கிறது. இதுதான் இன்று தமிழகத்தில் நடைபெறும் நிலம் பறிக்கும் கும்பலின் கொள்ளையடிக்கும் தந்திரம்.

இவர்களை மீறி ஒரு பத்திரம் எழுதப்பட்டால்கூட இந்தக் கூட்டத்துக்கு முதல் தகவல் போய்ச் சேரும் வகையில் அரசியல் செல்வாக்கு இவர்களுக்கு இருக்கிறது.

இந்த நிலம் பறிப்புக் கூட்டத்தில் ஆளும்கட்சி அரசியல்வாதிகள் முக்கிய நபராக இருந்தாலும், ஒவ்வொரு பகுதியைப் பொறுத்து, ஆங்காங்கே பலமாக இருக்கும் மாற்றுக் கட்சிப் பிரமுகரையும் துணைக்குச் சேர்த்துக் கொண்டுவிடுகிறார்கள். காவல் நிலையத்தில் புகார் கொடுத்தாலும் சட்டை செய்வதில்லை.

இந்த நிலம் பறிக்கும் கூட்டத்திடம் ஒரு சர்வே இருக்கிறது. ஊருக்குள் எந்தெந்த வீட்டில் நுழைந்தால் கேட்க நாதியில்லை, யாருக்கு எந்தப் பின்புலம் இருக்கிறது, எந்த வீட்டில் இருக்கும் பெற்றோர் தனியாக இருக்கிறார்கள், யார் இந்தச் சொத்தை வாங்கிப் போட்டுவிட்டு வெளிநாட்டில் இருக்கிறார்கள் என எல்லா புள்ளிவிவரமும் இருக்கிறது. அதன் பிறகே இவர்கள் தங்களுடைய நிலம் பறிப்பு நடவடிக்கையைத் தொடங்குகிறார்கள்.

ஒவ்வொரு மாவட்டத் தலை-களும் தங்களை அப்பகுதியின் குறுநில மன்னர்களாக நினைத்துக் கொண்டு கோலோச்சுவதுதான் இந்த நிலைமைக்கு எல்லாம் காரணம் என்பதை நாம் சொல்லித் தெரிவிக்க வேண்டியதில்லை. இன்ன மாவட்டம் இன்னாருக்குச் சொந்தம் என்று பட்டா போட்டுக் கொடுக்காத குறை.

காவல்துறையும் அரசியல் கட்சித் தலைமைகளும் இதில் கண்மூடிக் கொண்டு இருக்கலாம். ஆனால் மக்கள், யார் அனுபவத்தில் இருந்த சொத்து யாருக்கு எப்படிக் கைமாறியது என்பதைப் பார்த்துக் கொண்டிருக்கிறார்கள். வாக்குச் சாவடியின் வரிசையில் நிற்கும்போது அங்கே இருக்கும் ஒவ்வோர் அரசியல்வாதியையும் பார்த்து எந்த அளவுக்கு வயிற்றெரிச்சல் அடைகிறார்கள் என்பதைப் பொறுத்து வாக்குகளும் இடம் மாறும். கட்சித் தலைமைகள் இதைப் புரிந்துகொண்டு, வால்-கள் ஆடாமல் இருக்க வகை செய்தால் மட்டும்தான் தமிழகத்தில் பல குடும்பங்கள் அச்சமின்றி இருக்கும். மக்களாட்சியில் அச்சத்தை மாற்றவல்ல மாமருந்தாக ஆட்சி மாற்றம் அமைந்த சரித்திரங்கள் பல உண்டு என்பதை இவர்கள் நினைவில் நிறுத்தினால் நலம்!

நன்றி: "தின மணி"

பெருவெளியில் மேயும் கலைமான்.

2010-07-20T09:19:00.002+05:30

தாகத்தின் அழுத்தம்

தாங்காது,

உடைந்த பிம்பங்களால்,

ததும்பி வழிகிறது

தடாகம்.

காற்றில் கசிந்து வரும்
இணையின் வாசம் தேடி,
அலைகிறது ....
பெருவெளியில் மேயும் கலைமான்.

தமிழை அழிக்க முயற்சியா?

2010-05-18T10:41:00.003+05:30

தமிழ் எழுத்து வடிவ மாற்றம் கொண்டு வந்தால் தமிழ் அறிந்தவர்கள் மீண்டும் புதிய தமிழை படிக்க வேண்டும் என்று தமிழறிஞர் ஆர்.இளங்குமரனார் தெரிவித்துள்ளார்.÷புதுச்சேரியில் புதுச்சேரி வலைப்பதிவர் சிறகம் அமைப்பு சார்பில் தமிழ் எழுத்து வடிவ மாற்ற எதிர்ப்பு மாநாடு, புதுவை வணிக அவையில் ஞாயிற்றுக்கிழமை நடந்தது.
÷இதில் ஆர்.இளங்குமரனார் பேசியது: தமிழக அரசு வரும் ஜூன் மாதத்தில் கோவையில் உலகத் தமிழ் செம்மொழி மாநாடு நடத்த உள்ளது.÷இதில் தமிழ் மொழியில் எழுத்து சீர்திருத்தம் குறித்து அறிவிப்பு வெளியிடப்படும் என செய்தி வெளியாகியுள்ளது.அவ்வாறு சீர்திருத்தம் கொண்டு வந்தால் தமிழ் அறிந்தவர்கள் மீண்டும் புதிய தமிழை படிக்க வேண்டிய நிலை உள்ளது. தமிழில் குறைந்த கல்வியறிவு பெற்றவர்கள் முற்றிலும் கல்லாதவர்களாக மாற நேரும்.
÷தமிழக அரசின் இந்த முயற்சிக்கு பல்வேறு தரப்பிலிருந்து எதிர்ப்பு கிளம்பியுள்ளது. உலக அளவில் தமிழ் அறிஞர்களும், கணினி வல்லுநர்களும் இதற்கு கடும் எதிர்ப்பை பதிவு செய்துள்ளனர்.÷தமிழக அரசு இது குறித்து எந்த விளக்கமும் இதுவரை அளிக்கவில்லை. தமிழ் எழுத்தை மாற்றும் முயற்சியில் முன்னாள் துணை வேந்தர் வா.செ.குழந்தைசாமி முதன்மையாக உள்ளார்.
÷அவர் எழுதியுள்ள கட்டுரையின்படி உயிர் மெய் இகர, ஈகரஸ உகர, ஊகர எழுத்துக்கள் 72-க்கும் மாற்றாக குறியீடுகளுடன் கூடிய எழுத்துக்கள் பயன்படுத்த வேண்டுமென அறிகிறோம்.÷இதன்படி எழுத்து மாற்றம் செய்தால் தமிழ் மொழி அறிவியல் மொழியாகவும், கணினியில் எளிதில் பயன்படக்கூடிய மொழியாகவும், வளர்ச்சி பெறும் என்று கருத்து முன்வைக்கப்பட்டுள்ளது.
÷72 எழுத்துக்களில் மாற்றம் என்பது தமிழில் 59 சதவீதம் மாற்றத்தை ஏற்படுத்தம் என்று ஆய்வாளர்கள் கணக்கிட்டு கூறியுள்ளனர். 59 சதவீத எழுத்து மாற்றம் தமிழ் மொழியையே மாற்றிவிடும்.÷இதனால் தமிழில் ஏற்கெனவே உள்ள பல்லாயிரக்கணக்கான அரிய நூல்களும், இணையதளத்தில் உள்ள பல்துறை சேர்ந்த ஆயிரக்கணக்கான பக்கங்களில் உள்ள செய்திகளும் பயனற்று போகும்.
÷உலக அளவில் பல்வேறு நாடுகளில் தமிழர்கள் உள்ள நிலையில் தமிழ்நாட்டில் மட்டும் இந்த எழுத்து மாற்றம் தமிழர்களிடையே பிரிவினையை ஏற்படுத்தும். தமிழ்நாட்டு தமிழர்களை உலகத் தமிழர்களிடமிருந்து தனிமைப்படுத்தும்.÷இதனால் தமிழ் மொழியின் வளர்ச்சி பின்னடையும் என்பதோடு, தமிழர்களின் நிலை மேலும் பின் தள்ளப்படும். எழுத்து மாற்றம் குறித்து வற்புறுத்துவோர் கூறும் காரணங்கள் எதுவும் ஏற்கும்படியாக இல்லை.
÷எழுத்து மாற்றத்தால் கணிப்பொறியில் உழைப்பு குறையும், விரைவாக செயல்பட முடியும் என கூறப்படும் கருத்தை கணினி வல்லுநர்கள் சான்றுகளுடன் மறுத்துள்ளனர்.÷தமிழ் எழுத்து வடிவத்தில் மாற்றம் கொண்டு வர எவ்வித காரணமும் இல்லாதபோது, தமிழக அரசு இவ்வாறாக முயற்சி மேற்கொள்வது தமிழ் மீது கொண்டுள்ள பற்று காரணமல்ல.
÷மாறாக பல்வேறு அரசியல் காரணங்களுக்காகவும், தன்னல விளம்பரங்களுக்காகவும் தான் என்பதில் மாற்றுக் கருத்தில்லை.÷எழுத்து மாற்றம் செய்யவேண்டுமானால் பல்துறை சேர்ந்த அறிஞர்கள் கொண்ட குழு அமைத்து, மிக நுணுக்கமாக ஆராய்ந்து படிப்படியாக மக்கள் ஏற்கும்படி செய்ய வேண்டும். ÷அதை விடுத்து அவசர கோலத்தில் அள்ளித் தெளித்தது போல் தமிழ் எழுத்து மாற்றம் செய்வது என்பதை ஏற்றுக்கொள்ள முடியாது என்றார்.
÷இவர் எழுதிய தமிழ் வரிவடிவ சீர்த்திருத்தமா சீரழிப்பா என்ற நூலை பேராசிரியர் ம.லெ.தங்கப்பா வெளியிட, மக்கள் உரிமை கூட்டமைப்பு செயலாளர் கோ.சுகுமாரன் பெற்றுக் கொண்டார்.÷விடியோ கான்பரன்சிங் முறையில் அமெரிக்காவில் உள்ள தமிழ்மணம் வலைப்பதிவுகளின் திரட்டியின் நிர்வாகி சொ.சங்கரபாண்டி, செüதி அரேபியாவில் உள்ள பொறியாளர் நாக.இளங்கோவன் உள்ளிட்டோர் பேசினர்.
÷புதுவை வலைப்பதிவர் சிறகம் ஒருங்கிணைப்பாளர் ரா.சுகுமாரன், பேராசிரியர் நா.இளங்கோ, மென்பொருள் வல்லுநர் க.அருணபாரதி, பொறியாளர் மு.மணிவண்ணன் உள்ளிட்டோர் கலந்து கொண்டனர்.

.நன்றி:தினமணி,திரட்டி வெங்கட்.

அன்பிற்கும் உண்டோ...

2010-05-16T13:51:00.003+05:30

பத்மா மேடம் கடந்த மாதம் இந்த அவார்டை எனக்கு கொடுத்தார்,சரி ஓசியா கொடுக்கிறாங்களே.....வாங்கி வச்சுகிட்டு,அப்புறம் நம்ம வலைப்பூவை புதுசா Design பண்ணுறப்போ,இந்த அவார்டை போட்டுக்கலாம்னு இருக்குறப்பவே நம்ம "தமிழ் துளி தேவாவும்" இந்த அவார்டை கொடுத்துட்டார்.சரி அவார்டை வாங்கிட்டு புதுசா நாலுபேருக்கு கொடுக்கணும்னு வேற சொல்ல,அவார்டு வாங்காத ஆள கண்டு பிடிக்கிறதுக்குள்ள மண்டை காஞ்சு இருக்குற கொஞ்ச முடியும் உதிந்து போச்சு..

***********************************************************************************************

இப்ப ஒரு வழியா நறுக்குன்னு நாலு பேர கண்டு பிடுச்சு இந்த அவார்ட கொடுத்து உங்களோடு சேர்ந்து வாழ்த்துறேன்.

1.சுயம் தேடும் பறவை -கமலேஷ்,

2,நாடோடியின் பார்வையில்-.ஸ்டீபன்.

3,உறுபசி -தர்ஷாயணீ லோகநாதன்,

4.குட்டிப்பையா- சீதா பாரதி.

நெஞ்சு பொறுக்குதில்லை.

2010-05-08T11:41:00.002+05:30

சட்ட சபையில் தாக்கல் செய்யப்பட்ட காவல்துறை மானியக்கொள்கை விளக்கக்குறிப்பில் கூறியிருப்பதாவது :

2009 -ம் ஆண்டு தமிழ்நாட்டில் நடந்த கொலைகளின் எண்ணிக்கை: 1644

கொலைகளுக்கான காரணங்கள்:

குடும்ப சண்டை: 453,

வாய்த்தகராறு : 372,

சொந்தப்பகை : 282,

காதல் விவகாரம்:217,

பண பரிமாற்றம்: 68,

நிலத்தகராறு : 102,

குடிபோதையில் தகராறு :96,

அரசியல் கொலைகள் :4,

கண்டு பிடிக்க முடியாதவை:46,

சாதி சண்டை :4.

**************************************************************************************

தங்கம் விலை ஒரே நாளில் ரூ.344 உயர்ந்து,தற்போது பவுன் ரூ.13,440-க்கு விற்பனை.

**************************************************************************************

அண்மையில் தமிழகம் முழுவதும்," காலணி பாதுகாப்பு இலவசம்" என்று தமிழக அரசு அறிவித்து இருந்தது, ஆனால் மதுரை மீனாட்சி அம்மன் கோவிலில் மட்டும் தற்போது இரு ஜோடி காலணிக்கு ரூ.2 வசூல் செய்கிறார்கள்.

**************************************************************************************

மதுரைக்கு "தூங்கா நகரம்" என்றும் பெயர் உண்டு,இரவில் எத்தனை மணிக்கு வேண்டுமானாலும் நீங்கள் வயிறார சாப்பிடமுடியும்,சாதாரண,சாலையோர கையேந்தி பவன்களில் மூன்று வகை சட்னி வைத்து,சுடச்சுட இட்லி சாப்பிடும் சுகமே தனி....ஆனால் சில நாட்களுக்கு முன்பு,ரயில் நிலையம் அருகில் இருந்த கடையில் கெட்டுப்போன புரோட்டாவை சாப்பிட்டு,கடலூர் மாணவன் பலியாகிப்போனான்.அதையடுத்து சுறுசுறுப்பான அரசு எந்திரம்,ஓட்டல்கள்,கடைகளில் சோதனை நடத்தி "ரூபாய் 60,000-- மதிப்புள்ள "காலாவதி" உணவுப்பொருட்களை கைப்பற்றி அழித்துள்ளனர்.
**************************************************************************************
திருப்பதி ஏழு மலையானுக்கு வெள்ளிகிழமை தோறும்,அபிஷேகம் மற்றும் வஸ்திர அலங்கார சேவை நடைபெறும்.ஒரு மணி நேரம் பகவானை தரிசிக்கும் வகையிலான இந்த சேவைக்கான அனுமதி டிக்கெட் ரூ.50 ஆயிரத்திற்கு விற்பனை செய்யப்படுகிறது,ஆனால் சிலர் இந்த டிக்கெட்டுகளை "கள்ள மார்க்கெட்டில் "ரூ.10 லட்சங்கள் வரை விற்பனை செய்து கொள்ளை லாபம் அடித்திருக்கிறார்கள்.
**************************************************************************************
மதுரை அரசு ராஜாஜி மருத்துவமனையில்,விபத்தில் காயமடைந்தவருக்கு அறுவை சிகிச்சையின் போது,3-மீட்டர் பேண்டேஜ் துணியை உள்ளே வைத்து தைத்ததால் கால் பாதிக்கப்பட்டவர் ரூ.5-லட்சம் நஷ்ட ஈடு கேட்டு மனு தாக்கல் செய்துள்ளார்.
**************************************************************************************
திருமங்கலத்தில் 150 -கிலோ "கஞ்சா" பறிமுதல்.
*************************************************************************************

உளறல்ஸ்....04/05/10

2010-05-04T21:33:00.002+05:30

திசநாயகம் விடுதலை:Award brings Reward.

இலங்கையில் விடுதலை புலிகளை ஆதரித்து எழுதியதற்காக பத்திரிக்கையாளர் திசனாயகத்தை,கடந்த ஆகஸ்ட் மாதம் 31-2009 அன்று இருபது ஆண்டுகள் கொடுஞ்சிறை த்தண்டனை அளித்தான் "இனப்படுகொலையாளன்-ராஜ பக்சே ". நேற்று மே மாதம் 3-ந்தேதி "சர்வதேச பத்திரிகை சுதந்திர தினமாதலால் திச நாயகத்தை விடுதலை செய்துள்ளான்.சர்வதேச அளவில் திச நாயகம் சிறையில் இருக்கும் போதே பல விருதுகளை பெற்றுள்ளார்.

1,The first winner of the peter Mackler Award For courageous And Ethical Journalism,

2,CPJ's International Press Freedom Award, in -2009,

3,Foreign Journalist Award,in -2010.At British Press Awards.

மேற்கண்ட விருதுகள் தந்த "அழுத்தம்"தாங்காமல் தான் விடுதலை செய்துள்ளான்.இந்தியாவின் சொம்புதூக்கி ராஜபக்சே.

**************************************************************************************

பார்வதியம்மாள்: ill Treatment.

சென்னை உயர் நீதிமன்ற ஆணைக்கு ப்பணிந்து,30.04.10 அன்று முதல் அமைச்சரின் தனிப்பிரிவில் இயங்கும் கணினியில் மின் அஞ்சல் மூலமாக பெறப்பட்ட பார்வதியம்மாளின் கருணை மனுவை பரிசீலித்து,கடிதத்தில் கேட்டுகொண்டுள்ளபடி மருத்துவ சிகிச்சைக்காக தமிழ் நாட்டிற்கு வந்து செல்ல "சில நிபந்தனைகளுக்கு உட்பட்டு,ஆராய்ந்து அனுமதியளிக்கலாம்."என்ற பரிந்துரை க்கடிதம்,மத்திய உள்துறை க்கு தமிழக அரசால் அனுப்பி வைக்கப்பட்டுள்ளது.

பக்க வாத நோயால் கைகால் செயல் இழந்துள்ள வயதான ஒரு தாயிடத்தில் எதற்கு "நிபந்தனையும்,ஆராய்ச்சியும்..?.....நிந்தனை.

**************************************************************************************

மத்திய மந்திரி ராசா: Asylum at G.Spot.

"மத்திய மந்திரி ராசா ஒரு தலித்தாக இருப்பதால் சில ஆதிக்க சக்திகள் அவரை குறிவைத்து தாக்குகிறது"-முதல்வர் கருணா.

கவலைபடாதீங்க ராசா......"காலம் கனியும்"

*************************************************************************************

முள்ளி வாய்க்கால்: mulli vaaikkaal Genocide.....painful memories.

மனுஷ்ய புத்ரனின் மே மாத உயிர்மை இதழ்,முள்ளி வாய்க்கால் இனப்படுகொலை முதலாம் ஆண்டு நினைவு இதழாக வெளிவந்துள்ளது,

படிக்க...பாதுகாக்க ...வேண்டிய ஆவணமாக இருக்கிறது,நம் கண்முன்னால் ...சம காலத்தில் நடந்த இனப்படுகொலையை,நாம் மறந்து விடாமல் இருக்க,,அதை வற்றாத பெருநெருப்பாக வார்த்தெடுக்க..உங்களை போன்ற இளகிய மனம் படைத்த பத்திரிகை யாளர்களால் தான் வாய்த்திருக்கிறது மனுஷ்ய புத்ரன்.....நீங்கள் தரையில் நிற்க முடியாவிட்டாலும் தமிழ் மக்களின் இதயத்தில் நிற்கிறீர்கள்...உங்களின் கால்களை வணங்குகிறேன்.

***************************************************************************************

தண்ட காரண்யம்.

2010-04-09T17:07:00.003+05:30

வணக்கம் தோழர்களே,இந்திய நடுவண் அரசாங்கத்தின் "பச்சை வேட்டை" தாக்குதலுக்கு எதிராக,மாவோயிஸ்டுகள் பதுங்கி ப்பாயும் கோட்டை தான் "தண்ட காரண்யம்"ஆந்திரா,மகா ராஷ்டிரா,சத்தீஸ்கர்,மத்திய ப்பிரதேசம்,ஜார்கண்ட்,மற்றும்,ஒரிசா ஆகிய ஆறு மாநிலங்களின் எல்லைகளை உள்ளடக்கிய அடர்ந்த வனப்பகுதி "தண்ட காரண்யம்."

தேசத்தின் மையப்பகுதியில் இருக்கும் இந்த வனப்பகுதி 40,000 சதுர கிலோ மீட்டர் நிலப்பரப்பை கொண்டது.இந்த வனத்தை மட்டுமே நம்பி,வனத்திலேயே வாழும் பூர்வ குடி மக்களான மலை வாழ் பழங்குடி மக்களுக்கு மின்சார வசதியோ,குடிநீர் வசதியோ,சாலைகளோ, பள்ளிக்கூடமோ,மருத்துவ மனைகளோ,தேவையாய் இருந்தது இல்லை,அதனாலோ என்னவோ அரசாங்கமும் இவர்களை கண்டு கொண்டதில்லை.

.இதெல்லாம் 1995 -ம் ஆண்டு வரைதான்,நிம்மதியாக காட்டை மட்டுமே நம்பி வாழ்ந்து கொண்டிருந்த இம்மக்களுக்கு "உலக மயமாக்கல்"என்ற இடி விழுந்தது.சேட்டிலைட் உதவியுடன் தண்ட காரண்யா வனப்பகுதியில் பாக்சைட் உள்ளிட்ட ஏராளமான "கனிம வள தாதுக்கள்"இருப்பதை கண்டறிந்த பன்னாட்டு வணிக நிறுவனங்களின் [Modern East Indian Companies] பார்வை இந்த வனப்பகுதியில் பட்டது,மண்ணுக்குள் மறைந்து கிடக்கும் தாதுப்பொருட்களை வெட்டி எடுத்து ஏற்றுமதி செய்தால் கிடைக்கப்போகும் கோடிக்கணக்கான ரூபாய் லாபம் அந்த நிறுவனங்களை இங்கே "காட்டை அழித்து சுரங்கங்களை நிறுவ ஊக்குவித்தது"

.கட்சி வேறுபாடின்றி,ஓட்டுப்பொறுக்கிகள் அனைவரும் தங்கள் கட்சிகளுக்கு தேர்தல் கால நன்கொடைகளை கோடிக்கணக்கில் "பன்னாட்டு கம்பெனிகளிடம் "பெற்றுக்கொண்டு மலைவாழ் மக்களின் வாழ்வாதாரத்தை ப்பற்றி க்கண்டு கொள்ளவே இல்லை.எனவே ஆளுங்கட்சிகளும்,பன்னாட்டு கம்பனிகளும் கைகோர்த்து மலை வாழ் மக்களை முழுவதுமாக "வனத்திலிருந்து அப்புறப்படுத்த "எண்ணி கிராமம்,கிராமமாக பெயர்த்தெடுத்து தடுப்பு முகாம்களுக்குள் அடைத்து வைத்துள்ளனர்,இளைஞர்களை போலீஸ் விசாரணை,பாலியல் வல்லுறவு என இலங்கையில் தமிழர்களுக்கெதிரான அனைத்து கொடுமைகளும் தலைவிரித்து ஆடுவது போல இங்கேயும் நடப்பது தான் ஆச்சரியம்.

மாவோயிஸ்டுகளின் வளர்ச்சி:மலை வாழ் மக்களுக்கு ஆதரவாக எந்த அரசியல் கட்சிகளும்,சமூக அமைப்புகளும்,முன்வராத நிலையில் இவர்களுக்கு மாவோயிஸ்டுகள் மட்டுமே கைகொடுத்தனர்.மலை வாழ் மக்களின் ஆதரவையும் நம்பிக்கையையும் பெற்றுக்கொண்ட மாவோயிஸ்டுகள் இப்போது அசூர வளர்ச்சி அடைந்துள்ளனர்.

1.இந்தியாவின் நிலப்பரப்பில் மூன்றில் ஒரு பகுதியை கைப்பற்றி உள்ளனர்,

2 இந்தியாவின் 16 மாநிலங்களில் ஊடுருவி உள்ளனர்,

3 இந்தியாவில் உள்ள 460 மாவட்டங்களில் ஏறத்தாழ 175 மாவட்டங்கள் மாவோயிஸ்டுகளின் நேரடி பாதிப்புக்கு ஆளாகியுள்ளது,

4 மாவோயிஸ்டுகளின் முழு ஆளுமையின் கீழ் இருக்கும் மாவட்டங்கள்:58,

5 ஓரளவு ஆளுமையில் இருக்கும் மாவட்டங்கள்:54,

6 மாவோயிஸ்டுகளின் செல்வாக்கு அதிகரிக்கும் மாவட்டங்கள்:83,

7 கடந்த ஆண்டில் மட்டும் பலியான காவல் துறையினர் எண்ணிக்கை :312

தற்போதைய சூழலில் ஆபரேசன் பச்சை வேட்டைக்கு உதவ ஆளில்லா உளவு விமானங்களும் நான்கு ஹெலி காப்டர்களும் கொண்டு வேட்டையை தீவிரப்படுத்தினாலும் அரசுத்தரப்பில் பலி எண்ணிக்கை நாளுக்கு நாள் கூடிக்கொண்டே போகிறது.இப்படியாக நடந்துவரும் பிரச்சினைகளின் உண்மைத்தன்மையை க்கருத்தில் கொண்டு இந்தியாவில் உள்ள புத்திஜீவிகளில் பெரும்பாலோர் மலைவாழ் மக்களுக்கு ஆதரவாக களமிறங்கினர்,இந்த விஷயம் குறித்து சமூக ஆர்வலரும்,பிரபல எழுத்தாளருமான "அருந்ததி ராய் " தி கார்டியன் இதழில் எழுதிய கட்டுரை சர்வதேச சலசலப்பை ஈர்த்தது,ஆனால் ப.சிதம்பரமோ "புத்திஜீவிகள் மாவோயிஸ்டுகளுக்கு ஆதரவாக செயல்படுகின்றனர்"என்று பேட்டி கொடுத்து ...மலை வாழ் மக்களுக்கு ஆதரவாக நீளும் கரங்களுக்கு எதிராக ஒரு மாயச்சுவற்றை எழுப்பி,அவர்களை தனிமை படுத்துகின்றார்.

தினமும் செய்தியாளர்கள் முன்னால் நின்று சத்தமில்லாத ஆங்கிலத்தில்...சூது நிறைந்த வார்த்தைகளில் மிரட்டும் உள்துறை அமைச்சர் ப.சிதம்பரத்திற்கு வேண்டுமென்றால் நடந்து முடிந்த பாராளுமன்ற த்தேர்தலின் ஓட்டு எண்ணிக்கையின் போது காரைக்குடியில் இருந்த தேர்தல் அதிகாரிகளும்,மாவட்ட ஆட்சி நிர்வாகமும் பயப்பட்டிருக்கலாம்,ஆனால்....சொந்த மக்களின் வாழ்வாதாரத்திற்காக உயிராயுதம் ஏந்தி நிற்கும் "தண்ட காரண்யா கள ப்போராளிகள்" எப்படி பயப்படுவார்கள்?என எனக்கு த்தெரியவில்லை.

"இயேசு கிறிஸ்துவும்,பிரபாகரனும்."

2010-04-02T13:59:00.003+05:30

மக்களையும்
மண்ணையும் மீட்க
அன்பையே ஆயுதமாகவும்
ஆயுதத்தையே அன்பாகவும் ஏந்தி
பன்னிருவரிலும்
பன்னிருமடங்கிலும்
விடுதலை வீரர்களை
சீடர்களாக்கிநீர்கள்
மக்களை மன்னித்தவன்
மத விரோதியாம்
மண்ணை நேசித்தவன்
தீவிர வாதியாம்
இது....
ஆட்சியாளர்களின்
கொலைக்கள தீர்ப்பு
கேத்செமனியிலும்
முள்ளி வாய்க்காலிலும்
காட்டிக் கொடுக்கப்பட்டு
சிலுவை பாடுகளையும்
சித்தர வதைகளையும்
தோள் மாற்றி சுமந்தீர்கள்
கல்வாரியின் கதறல்
நந்திக்கடலில் எதிரொலித்தது
பேயின் ஆட்சியாளர்களுக்கு
புரிவதில்லை ...
உடல்
வெட்ட..வெட்ட..
முளைக்குமென்று .
மீட்பின் பயணத்தை
முப்பத்தி மூன்று ஆண்டுகளில்
முடித்துக்கொண்டாலும்
உயிர்த்து நிற்கிறீர்கள்
உங்களின் கனவுகளை
எங்களுள் விதைத்து.

வதை முகாம் சித்ரவதையை பார்க்கவும்:

http://www.youtube.com/watch?v=QHaJf3pRfso&feature=related

"சற்றே நீண்ட காது."

2010-04-01T13:38:00.003+05:30

பக்கத்தில வராத..சீய்....வெட்கமா..இருக்கு,

ஏய்..அங்க பாரு சண்டைய,

என்ன? உன் ஆளை இன்னும் காணோம்.?

ஏய்..நீ ..இடம் மாறி உட்கார்ந்து இருக்க,

இதெல்லாம்.....

ஒருநாள் மாலை வேளையில்,

மரங்கள் அடர்ந்த சோலையில்,

பலதரப்பட்ட பறவைகள்,

பேசிக்கொண்டதில் சில.......

பீட்டர் என்கிற சின்னமாயாண்டி.

2010-03-31T10:37:00.004+05:30

முன்குறிப்பு:மதுரையைசுற்றிஉள்ளஉசிலம்பட்டி,திருமங்கலம்,விருதுநகர்,வட்டாரங்களில் ...தங்கள் வீடுகளில் படுத்த படுக்கையாய் கிடக்கும்,முதியவர்களை,இனியும் பராமரிக்க முடியாமல்,மலசலம் அள்ள சலித்துப்போய் கருணைக்கொலை செய்ய [Mercy Killing] முடிவெடுத்து,"தலைக்கு ஊத்துதல்"என்ற சடங்கின் மூலம் மேலுலகம் அனுப்பி வைப்பது அடிக்கடி நடக்கும்.

ஆளை த்தூக்கி உட்கார வைத்து,உடல் முழுவதும்,நல்லெண்ணெய் தேய்த்து,சீயக்காய் தேய்த்து குளிப்பாட்டி,உடனே,இளநீரை குடிக்க க்கொடுத்து பின் படுக்கையில் போட்டால்,சில மணித்துளிகளில் ஜன்னி கண்டு உயிர் அடங்கும்,இதிலென்ன கொடுமை என்றால்..அந்த பெருசு நம்மை கொல்லத்தான் போகிறார்கள் என தெரிந்து ...சுத்தி நிற்கும்,தன் மகளையோ,மகனையோ,மருமகனையோ,தூரமாய் தள்ளி நின்று ரகசியமாய் எட்டி ப்பார்க்கும்,பேரன் பேத்திகளையோ கண்களில் கசிந்து வரும் கண்ணீரோடு மலங்க ...மலங்க..பார்ப்பது இருக்கே......காற்றில் ...நரகத்தின் ...நெடி...தாங்க முடியாததாக இருக்கும்.

பொருள்:சீயான்-தாத்தா,பஞ்சாயம்-ஊர்க்கூட்டம்,அல்லது பஞ்சாயத்து,தீத்து-கணவன் மனைவி இருவரும் ஊர் முன்னிலையில் விவாகரத்து கோரி உடனே பிரிந்து போகுதல்,

**************************************************************************************

எங்க சீயான் பேரு..

பீட்டர் என்கிற சின்ன மாயாண்டி,

அந்த காலத்துல...

இவர் கூட்டுற

பஞ்சாயம் பார்க்க,

ஏழூர் சனமும் வந்து நிக்கும்.

தீத்துவிட்டு நிக்கிறவளுக்கும்,

திருடிபுட்டு நிக்கிறவனுக்கும்,

கூட்டிக்கிட்டு வந்தவளுக்கும்,

வெட்டிப்போட்டு வந்தவனுக்கும்,

வழிய சொன்ன பெரியாம்ள...

போக வழி தெரியாம,

படுக்கையில உருளுது...

முழுச்சுக்கிட்டே அழுகுது.

அதனால .....

எங்களுக்குள்ள பேசிமுடிச்சு,

நாளைக்கே..

"தலைக்கு ஊத்துறோம்"

உளறல்ஸ்....

2010-03-29T20:33:00.002+05:30

மதுரை தமிழ் வலைப்பதிவர்கள் குழுமம் சாதனை:Intelligentsia.

சிங்கை வலைப்பதிவர்கள் குழுமமும்,தமிழ் வெளியும் இணைந்து மிரட்டிய "மணற்கேணி -2009" கட்டுரைப்போட்டிகளில் மூன்று பரிசுகளையும் ஒட்டுமொத்தமாக மதுரைக்குழுமம் தட்டிச்சென்றிருக்கிறது.

அரசியல்/சமூகம் பிரிவில் தருமியும்,

அறிவியல் பிரிவில் தமிழ் துளி டாக்டர் தேவன் மாயமும்,

இலக்கியப்பிரிவில் பிரபாகரும் வெற்றி பெற்றுள்ளனர்,இந்த மூன்று பேருக்கும் வாழ்த்துகளை தெரிவிப்பதோடு என் கட்டி முத்தங்களை ப்பரிசாக த்தருகிறேன்.[சும்மா ...பேச்சுக்கு ..இல்லப்பு...நெசமாவே..நேர்ல பாக்குறப்போ .....சும்மா ..நச்சுனு குடுப்போம்ல...]

****************************************************************************************************************************

சென்னை ப்பதிவர்கள் சந்திப்பு:"lack of Clemencia.....and..Hasty Rendezvous"

பதிவுலக ஜாம்பவான்கள் அதிகம் இருக்கும் சென்னையில்,நடந்து முடிந்த பதிவர் சந்திப்பு,பலத்த ஏமாற்றத்தையும்,பதிவர்கள் வட்டங்களில் அதிர்ச்சி அலைகளையும் ஏற்படுத்தி இருக்கிறது.

சில .....லாம்கள்:

1,உலகெங்கும் உள்ள தமிழ் வலைப்பதிவர்களிடம்,குறைந்த பட்சம்..தமிழகமெங்கும் உள்ள பதிவர்களிடத்திலாவது,கருத்துகள் கேட்டிருக்கலாம்,

2,சில வாரங்கள் முன்னமே "சென்னை பதிவர்களிடத்திலாவது "சில சுற்று பேச்சுவார்த்தைகள் நடத்தி.."கருத்து ஒற்றுமைக்கு"வந்த பிறகு,இந்த சந்திப்பை நடத்தி இருக்கலாம்.

3,பதிவர் சந்திப்பில் ஒரு முடிவும் எட்டப்படவில்லை என்று தெரிந்தும்,உடனடியாக,அடுத்த சுற்று பேச்சு வார்த்தை "பிறகு ஒருநாள் தொடரும்"என அறிவித்து விட்டு,நடந்து முடிந்த குழப்பத்தை,வெளியே கசிய விடாமல்,"off the Record" ஆகவாவது,செய்திருக்கலாம்.

ஆளாளுக்கு சுடச்சுட பதிவுகளைப்போட்டு "இப்படியா..உங்கள் இமேஜை நீங்களே...சரியச்செய்வது..?

மீண்டு வருவீர்கள் என நம்புகிறேன்...மீண்டு வரவேண்டும் என யாசிக்கிறேன்.

இந்த விசயத்தில்..நம்மால் உதவ முடியுமா?என்ற கண்ணோட்டத்தில் மதுரை குழும உறுப்பினர்களின் கலந்தாலோசனை கூட்டத்தை,மூத்த ப்பதிவரும்,தேர்ந்த அனுபவத்தால் எங்களை வழி நடத்தி வருபவருமான "தருமி ஐயா" கூட்டவிருக்கிறார்.Off The Record-ஆகத்தான்.கலந்து பேசிவிட்டு ,பிறகு தேவை ஏற்படின் நமது விருப்பத்தை முறைப்படி தெரிவிப்போம் எனக்கூறி இத்துடன் இதை நிறைவு செய்கிறேன்.

***********************************************************************************************************

"மதுரை தாதா-வரிச்சியூர் செல்வம்:Running out of.....Nostalgia."

முந்தா நாள் ஒரு வேலையாக மதுரை தல்லாகுளம் காவல் நிலையம் செல்ல வேண்டி வந்தது,என் உடன்,எனது குடும்ப நண்பரும்,மதுரையில் பிரபல வழக்கறிஞருமான "ஸ்டாலின் மணி"வந்திருந்ததார்,அங்கே இருந்த போது,காவல் நிலைய வளாகத்தில்,நின்றிருந்த கருப்பு நிற டாட்டா சியாரா லேட்டஸ்ட் மாடல் காரை க்காட்டினார்.

பெரிய கொட்டை எழுத்துகளால் ஆன..ஸ்டிக்க்கரில் "வேட்டைப்புலி"என்று காரின் இடது ,வலது பாடி முழுவதும்,ஒட்டப்பட்டிருந்தது,

யார் வண்டி ஸ்டாலின்? என்றேன்...

நம்ம வரிச்சியூரான் வண்டி தான்,ஆள் எஸ்கேப் ....வண்டிய மட்டும் புடிச்சு வந்துருக்க்காயங்க....என்றார்.

பின் நம்பர் பிளேட்டை பாரு ஜெரி என்றார்,பார்த்தேன்...302 என்று இருந்தது.

மதுரையை ஆண்டு வரும் பல தாதாக்களுள் முக்கியமானவர் தான் இந்த"வரிச்சியூர் செல்வம்"பத்தாண்டுகளுக்கும் மேலாக தாக்கு ப்பிடித்து நிற்பவர்.இவரது கழுத்தில் எப்பொழுதும் கிடக்கும் 300-பவுன் தங்க நகைகளைப்போல,கொலைகள்...கற்பழிப்பு ...ஆள்கடத்தல்...என..எண்ணற்ற பல வழக்குகள் விரவிக்கிடக்கின்றன..

அண்மையில் மகளிர் விடுதி ஒன்றில்,வார்டனை மிரட்டிய வழக்கில்...தேடப்படும் குற்ற வாளியாக அறிவிக்கப்பட்டு,உயிர் பிழைக்க ...ஓடிக்கொண்டே இருக்கிறார்.

இனி மதுரை திரும்புவது கடினம்,ஒரு பத்து மாதம் மட்டும் எப்படியாவது,தாக்கு ப்பிடித்து இருந்தால்,ஒருவேளை பிழைத்து கொள்ள வாய்ப்பு இருக்கிறது,...தேர்தல் வந்துவிடும்,தேர்தல் வேலைபார்க்க,[அதாங்க...வேட்பாளரை மிரட்டுதல்,கடத்துதல்..இன்னபிற]ஆள் பற்றாக்குறைக்கு,அரசியல் வாதிகளே,மீண்டும் இவரை Recruit-செய்து கொள்வார்கள்.அதற்கிடையில் சிக்கினால் ...Encounter Confirm -என நம்ப த்தகுந்த வட்டாரம் சொல்கிறது.

****************************************************************************************************************

இனி அடிக்கடி உளறல் சத்தம் கொஞ்சம் சவுண்டாகவே கேட்கும்,எப்பவும் போல வாங்க..."பழகலாம்"

உங்கள் ஜெரி.மதுரை.

************************************************************************************************************

"பதிவெழுத வந்த கதை".

2010-03-26T12:36:00.003+05:30

வணக்கம் நண்பர்களே,வலைச்சரத்தில் கொடுத்த வாக்கின்படி,எனது 50- வது பதிவாக,பதிவரான கதையை உங்களோடு பகிர்ந்து கொள்வதில் மட்டற்ற மகிழ்ச்சியே.

--------------------------------------------------------------------------------

பெயர்கள் பலவிதம்:

ரோமன் கத்தோலிக்க கிறிஸ்தவ குடும்பத்தில் பிறந்த எனக்கு,பெற்றோர் ஆலயத்தில் வைத்த பெயர் "ஜெரால்டு ஞான குழந்தை ராஜ்,அது பள்ளிக்கூடத்திற்காக சுருங்கி "ஜெரால்டு ராஜ்"ஆனது.1988-90 களில்-"ஜி.பி.ஜெரா"என்ற பெயரில் தேவி,மாலைமதி இதழ்களில் துணுக்கு செய்திகள் எழுதியிருக்கிறேன்.பின் சில வருடங்கள் [2000-2003] the new Indian Express-நாளிதழில் ஜெரி ஈசானந்தா என்ற பெயரில் letters to the editor-பக்கத்திலும்,சில துணுக்கு செய்திகளும் எழுதியிருக்கிறேன்.அதே பத்திரிக்கையில் தேசிய அளவில் வெளிவந்த எனது சிறு கட்டுரையை ப்பாராட்டி கேரளாவில் இருந்து 72-வயது முதியவர் எனக்கு எழுதிய பாராட்டுக்கடிதத்தை,ஒரு புக்கர் பரிசை ப்போல பத்திரமாய் வைத்திருக்கிறேன்.[இந்த சிறு கட்டுரையை புத்தக வடிவில் விரிவுபடுத்துவது என்பது, எனக்கு நானே செய்து கொண்ட சபதம்] இடையில் சொந்த வீடு கட்ட வேண்டி வாசிப்பிற்கும்,எழுத்துக்கும் பெரிய இடைவெளி விழுந்தது.அப்புறம் தொழிற்சங்க கட்டமைப்பு என முற்றிலும் வேறு திசையில்என்பயணம் இருந்திருந்தது.தற்சமயம்,ஏற்பட்ட"TheAnanda'sAversion"காரணமாக,இனி என்பெயரில் ஒரு "ன்"சேர்த்து,"ஜெரி ஈசானந்தன்"என தமிழ் படுத்திக்கொள்ள வாய்ப்புக்கிடைத்ததில் பெருமை அடைகிறேன்.

-----------------------------------------------------------------------------------------------------------

வந்த கதை:

கடந்த இரு வருடங்களாகவே வீட்டில் இணையம் இருந்தாலும்,பொழுதுபோக்கிற்கு இருந்த முதலிடத்தை "ஈழ ப்போராட்டம்"திசை திரும்ப வைத்தது,tamil net,puthinam,போன்ற இன்னபிற ஈழ ஆதரவு இணைய த்தளங்களை ப்படித்துவிட்டு ஒவ்வொரு நாளும் பெருமூச்சோடு கடந்து செல்வேன்.

முத்துக்குமாரின் உயிர் தியாகம் வேறு இடியைப்போல த்தாக்க இன்னும் மேலதிக செய்தி தேடி இணைத்தில் தற்செயலாய் tamil blogs- என டைப்பிட,அதில் "உண்மை தமிழன்"பெயர் பிடித்துப்போய் கிளிக்கினால் மனுஷன் அவரது வலைப்பூவில் போன் நம்பரோடு சிரித்துகொண்டிருந்தார்.உடனே போன் செய்து பேசினேன்,தமிழில் இப்படியெல்லாம் வலைப்பக்கங்கள் இருக்கிறதா?தமிழில் எழுதமுடியுமா?என வாய் பிளந்து கேட்டேன்.மனுஷன் பொறுமையாய் பேசினார்,சில வாரங்கள் கடந்து போனது,பிறகு தற்செயலாய் "தமிழ்நதியின்-இளவேனில் "வலைப்பூவில் நுழைந்து விட்டேன்,அவரது பதிவுகளை படித்துவிட்டு ஒவ்வொரு கணமும் ஸ்தம்பித்து நிற்பேன்,நான் இதற்கு முன் வாசித்தறியா மொழிநடை,லாவகமான சொல்லாடல்,கனல் கக்கும் வார்த்தைகள்,என பதிவுகளை படித்துவிட்டு கமெண்ட் போடத்தெரியாமல் திருதிருவென முழித்து,பிறகு முக்கித்தக்கி கமெண்ட் போட்டு என் பதிவுலக அக்கவுண்டை அவரது வலைப்பூவில் இருந்து ஆரம்பித்தேன்,

என்னை எழுந்து,நிமிர்ந்து நிற்க ச்செய்த நாள்-மே19-ஈழ விடுதலைக்கு தலைமையேற்று போராடிய மாவீரன் பிரபாகரனின் மரணசெய்தி,அப்பொழுதே முடிவு செய்தேன்,நான் பிறந்த தமிழ் இனத்திற்கு என்னாலான பங்களிப்பை "குறைந்த பட்சம்"தமிழில் எழுதியாவது,ஏதாவது செய்வோம் என........அதற்கடுத்து ஜூன்-1 ந்தேதி பத்தே நிமிடத்தில் "தடுப்புமுகாம் கவிதை"என தலைப்பிட்டு எழுதி,என் வலைப்பூவில் முதல் இடுகையிட்டேன்,உடனே இயக்குனர் செந்தமிழன் சீமானின் உதவியாளரும், தொழில் அதிபருமான "செல்வராஜ் முருகையனிடம்"ஈமெயில் அனுப்பினேன்,அடுத்த வினாடியே அவர் பாராட்டிவிட்டு,அக்கவிதையை சீமானின் இணையப்பக்க முகப்பில் போட்டுவிட்டார்.

பின் தொடர்ச்சியாய் கவிதை எழுதிவந்தேன்,படிக்கத்தான் ஆட்கள் வரவில்லை,அப்பொழுது எனக்கு தமிழ்மணம் போன்ற திரட்டிகளை ப்பற்றி த்தெரிந்து இருக்கவில்லை.பிறகு தான் தமிழ்மணம் பற்றி தெரிந்து,அதில் இணைக்கத்தெரியாமல்முழித்து,பின் "திரட்டி"நிறுவனர் புதுச்சேரி வெங்கடேசனிடம் தொடர்புகொண்டேன்,நண்பர் ஒரு மணி நேரத்தில் இணைத்துக்கொடுத்தார்.

தமிழ்மணத்தில் நான் இணைத்த முதல் இடுகை "போதிமர நிழலில் வாதைகளின் கூடாரம்"என்ற கவிதை,பிறகு என் பதிவில் கமெண்ட் போட்டுவிட்டு தன் அலைப்பேசி என்னையும் கொடுத்தார் "தமிழ் துளி டாக்டர் தேவன்மாயம்."உடனே பேசினேன்,மதுரை சகபதிவர்களை பற்றி சொன்னார்,பரஸ்பரம் எல்லோரிடமும் பேசிக்கொண்டேன்,பிறகு மதுரையில் நடந்த "உயிர்மை பதிப்பக"புத்தக வெளியீட்டு விழாவிற்கு நானும் சென்றேன்,அங்கு வைத்து மதுரை பதிவர்களையும்,சென்னையில் இருந்து வருகை தந்திருந்த பதிவர்கள் "தண்டோரா என்ற மணிஜி,அகநாழிகை வாசு,butterfly suryaa,சந்திக்க வாய்ப்பு கிடைத்தது,சற்று நேரத்தில் தேவன்மாயம் வந்தார்,செல்வேந்திரன் வந்தார்,கார்த்தி,ஸ்ரீ,தருமி ஐயா,என எல்லோரும் வந்தனர்.

அதற்குபின் சென்னையில் நடந்த "உரையாடல் "அமைப்பு நடத்திய சிறுகதை பட்டறைக்கு சென்றேன்,மனதில் பட்டதை சொல்வதென்றால்,மதுரைக்கு வந்த மணி,வாசு,சூர்யாவுக்கு பதிலுக்கு சென்னை சென்று மரியாதை நிமித்தம் பார்க்க ஆசை,நான் இந்த வாய்ப்பை பயன்படுத்திக்கொண்டேன்,சென்னை அண்ணாநகரில் என் உடன் பிறந்த சகோதரன் இருக்கிறார்,அவரது மனைவி அங்குள்ள பன்னாட்டு வங்கியில் துணைத்தலைவராக பணிசெய்கிறார்,என் தம்பியே அவனது காரில் ஒட்டிக்கொண்டு வந்து என்னை நிகழ்ச்சி நடக்கும் இடத்திற்கு ட்ராப் செய்துபோனான்,இவ்வளவு ஆர்வமாக சென்ற எனக்கு ஏமாற்றமே,நேரமின்மையால்,பதிவர் அறிமுகம் நடக்கவில்லை,கிடைத்த இடைவெளி நேரங்களில் வழிய சென்று பலரிடம் பேசினேன்,விரும்பி பேசியவர்கள்,வெடுக்கென்று திரும்பியவர்கள்,என அந்த நாள் கழிந்தது,புனைவுகளின் அரசன் யுவன் சந்திர சேகரரின் நட்பும் அன்பும் கிடைத்தது,தொலைப்பேசி எண்கொடுத்தார்.

.இப்பவும் அவர் கதை படிக்கும் போது,சந்தேகம் என்றால் எந்த நேரமென்றாலும் உரிமையோடு தொல்லைகொடுத்து வருகிறேன்,அப்புறம் அங்கே நான் பார்த்து வியந்த மனிதன் பைத்தியக்காரன் என்ற சிவராமன்,[what a great personality?...i love you siva.].

அதற்கு பிறகு... ...ஈரோட்டில் வலைப்பதிவர்கள் சங்கமம் நிகழ்ச்சி நடந்தது,அங்கும் ஆர்வமாக சென்று கலந்து கொண்டேன்,ஏராளமான பதிவர்களை பார்க்க,பழக வாய்ப்பு கிடைத்தது,நிகழ்ச்சிகள் அனைத்தும் வெகு நேர்த்தியாய்,கட்டமைத்திருந்தனர்.இத்தனை தமிழ் சாதி சொந்தங்களை நான் பெற்றது இந்த "ஈரோட்டு சங்கமம்"நிகழ்ச்சியில் தான்.[தயவுசெய்து..தமிழ்நாட்டில் எங்காவது...எந்த நிகழ்ச்சியானாலும்....நடத்தவேனுமென்று முடிவுசெய்தால் ஈரோடு தமிழ் சொந்தங்களிடம் கலந்து கொண்டு செய்யுங்கள் என்பது என் தாழ்மையான கருத்து.]

பின் ஒரு வார காலத்திற்கு "வலைச்சர ஆசிரியராக"இருந்து புதிய பதிவர்களை அறிமுகப்படுத்தும் பணியை அன்பின் சீனா ஐயா வழங்கினார்,இது மறக்க முடியாத அனுபவம்,என்னை நானே மீட்டெடுக்க கிடைத்த வாய்ப்பு,பல புதிய நண்பர்களையும்,புதிய சொந்தங்களையும் இந்த வலைச்சரம் வழங்கியது.

இப்படியே தான் என் பயணம் தொடர்கிறது...நண்பர்களே.......

அவரவர்களுக்கான உலகம்....அதில் ....அவரவர்களுக்கான பயணம்.....இதில் ..நானும் ஒரு வழிப்போக்கன் என்பதில் எனக்கு மகிழ்ச்சியே....

வாருங்கள் ....நாளும் ...அன்பில்....தொடர்ந்து .....பயணிப்போம்.

"என் உயிர் தோழா."

2010-03-01T18:07:00.005+05:30

சதையினாலும்,குருதியினாலும்,நிறைந்திருந்த சாதாரண மனிதன் தான்,ஆனால்,சமரசமற்ற போராளி.

.உயிர்க்கொடை செய்துகொண்ட,W.R வரதராஜன்,அவர்களது ஆன்மா சாந்தியடைய வேண்டி இக்கவிதாஞ்சலி.

----------------------------------------------------------------------------------------------------------------------------

இனம் அழிந்தால் என்ன!

மொழி ஒழிந்தால் என்ன!

இசம் என்ற,

பித்து மட்டும்,

பிடித்திருந்தால் போதும்,

வேறு தகுதி தேவையில்லை.

பிறகென்ன,

உனக்கான....

மூக்கனாங்கயிறையோ,

கடிவாளத்தையோ..

கழுத்துப்பட்டையையோ ...

கட்சி பார்த்துக்கொள்ளும்.

"இது...

பொலிட் பீரோ

முடிவென்று"

தாயைப்புணர ச்சொன்னால் கூட,

தயாராக வேண்டும்.

ஆம் ..என்றால்,

காம் ரெட்.

முடியாது என்றால்,

அடிமாடு தான்.

கடைசி வரை....

உள்கட்சி,

பயங்கர வாதத்திற்கும்,

தப்பிப்பிழைக்கவேண்டும்.

எதிர்த்துப்போரிட்டால்,

இறுதியில்,

இரண்டே வாய்ப்புகள்,

எஞ்சி நிற்கும்.

நடை பிணமாய் திரிந்தலைவது....

உயிர்க்கொடை செய்துகொள்வது....

இதில் உனக்கு...

எது வாய்த்திருக்கிறது?

என் உயிர் தோழா.

சொப்பன ஸ்கலிதம்.

2010-02-22T18:17:00.004+05:30

பிரிந்த சகியே....

முன்னஞ்சென்ற காதலர்களின்,

தின்று செரித்த எச்சங்கள்,

காட்டிய வழியில்...

தடம் பதித்து நடந்தோம்.

காதலின்..

அத்தனை,

சந்து,பொந்துகளிலும்,

விளையாடிக்களைத்தோம்.

மேலும்.....

உடல் கொண்டு,

வெட்டியெடுத்த,

தீராச்சுரங்கத்தின்

அந்தரங்க பொக்கிசங்களை,

நினைவுகளின்,

நிலவறைகளில்,

பரஸ்பரம்,

சேமித்தும் வைத்திருக்கிறோம்.

நீ..அறிவாயா?

என்..நிலவறைகளின்,

வெப்பம் தாங்காது,

நடு நிசி இரவுகளில்...

கசிந்து வரும் கனவுகளால்,

ஜனனம் தொலைத்த ஜடங்கள்,

ஆங்காங்கே....

சிதறிக்கிடப்பதை.

வா, வந்து ,

உனக்கான பங்கை,

பொறுக்கிக்கொண்டு போ.

நீ....அறிவாயா?

இங்கே உலர்வது,

வெறும் சொப்பன ஸ்கலித மல்ல,

நீர்த்துப்போன பந்தமென்று.

வெற்றிலை.

2010-01-29T09:36:00.001+05:30

எத்தனை தடவை,

சவைத்து துப்பினாலும்,

சிவப்பு மாறுமா?

"குடியரசு தின வாந்தி."

2010-01-27T18:19:00.002+05:30

இலவச எரிவாயு அடுப்பில்....
கிண்டிய அல்வாவை,
ருசித்த படியே,
குடியரசு தின சிறப்பு நிகழ்ச்சிகளை,
இலவச வண்ணத்தொலைக்காட்சியில்,
கண்டுகளித்தேன்.

இடையில் வந்த நண்பனது....
இலவச அழைப்பின் பேரில்,
தமிழ்நாடு அரசு பார் [டாஸ்மாக்]
சென்றேன்.

கடைசியில்,
இலவசத் திணிப்புகள்
தாங்காது,
வாந்திஎடுத்தேன்.

எடுத்த வாந்தியை.....
உற்றுப்பார்த்தால்,
சிவப்பு,வெள்ளை,பச்சையென,
"மூவர்ணத்தில் ஜொலித்தது,
குடியரசு தின வாந்தி."

"பியானோ வாசிக்கலாம் வாங்க."

2010-01-20T20:13:00.002+05:30

மேலே உள்ள வீடியோவை முழுவதும் ஓடியபின் இப்ப உங்கள் மௌசை வீடியோவில், நகர்த்தி இஷ்டம் போல இசைக்கலாம்.கவிதை,கட்டுரையின்னு போரடிக்காம,அப்பப்ப ஒரு சேஞ்சுக்கு இது மாதிரி ட்ரை பண்ணலாம்,

"தமிழ்நாடு அரசு சிசுக்கள் விற்பனைக்கு"

2010-01-19T09:00:00.005+05:30

வாக்கப்பட்டு வந்து
வருசமாயும்
வீங்காத வயுத்துக்கு
கதை கட்டிய
ஊர் வாயடைத்து,

மாமியார்,நாத்தனார்
இம்சைகள் பொறுத்து,

அஞ்சாம் மாசம் நடக்குறப்போ
அடிவயித்துல எத்துன
புருசனோட உதை தாங்கி,

ஏழாம் மாசத்துல
சொந்த பந்தம் கூட்டி
சீமந்தம் நடத்தி,

குலசாமிக்கு கடாவெட்டி
ஊரக்கூட்டி கஞ்சி ஊத்தி,

இடுப்புவலி வந்ததும்
நம்பி வந்த தர்மாஸ்பத்திரியில
பாவிப்பயலுக படிக்கணும்னு
வயித்தகிழிச்ச வலி தாங்கி,

"பெத்தெடுத்த பிள்ளைய
ரெண்டு நாளாக் காணலியே".,

சட்ட ஒழுங்கு மசுரும்,காற்றில் பறக்கும் மனித நேயமும்.

2010-01-11T22:31:00.001+05:30

நண்பர்களே,இரண்டு அமைச்சர்கள்,ஒரு கலக்டர் முன்னால்,நடந்த இந்த கொலையில் "உயிர் பிச்சை" கேட்கும் இந்த மனிதனுக்கு இவர்களின் கரங்கள் நீள மறுத்ததேன்?
வாழ்க போலி ஜனநாயகம்.

காமமும்,பெருங்காமமும்.

2010-01-11T09:13:00.002+05:30

இப்போதெல்லாம் ....

யாரும்,

யாரையும் ..

நம்பத்தயாரில்லை,

ஆணுறையைத்தவிர.

**********************************

பார்த்தவுடன் பழகி,

பழகியவுடன் பற்றி.

பற்றியபின் வற்றி,

வற்றியபின் தேடி,

தேடியதை பார்த்து ..

பார்த்தவுடன் பழகி ,

இப்படியே தான்,

துடிப்புடன் சுழல்கிறது,

பிறவிதரும் பெருங்காமம்.

"பிரபலபதிவர் மீது கொலைவெறித்தாக்குதல்."

2009-12-30T14:59:00.004+05:30

வலையுலக நண்பர்களே வணக்கம்.இந்த பதிவுலகம் ஏராளமான நண்பர்களை பெற்றுத்தந்திருக்கிறது.அன்பே சிவமாக,வாழ்த்து காட்டிய இயேசு பிரான் பிறந்த திருநாளாம் "கிறிஸ்துமஸ்" தினத்தில் என்னை தொலைபேசியிலும், குறுஞ்செய்தி யிலும் வாழ்த்திய அனைத்து உள்ளங்களுக்கும் நான் பெற்ற அன்பையேதிரும்பத்தருகிறேன்.நாளும்அன்பிலதொடர்வோம்.நிற்க....மேற்கண்ட தலைப்பு சும்மா உங்களையெல்லாம் சுண்டி இழுக்கத்தான்...ஆனா உண்மை சம்பவங்க, தலைப்பு வெறும் டிரைலர் தான்...மெய்ன் பிச்சர் கீழ வருதுல்ல.

*******************************************************

கியூபாவிலிருந்து:"யானி மரியா சான்செஸ்".

தனது வலைப்பூவிற்கான முதல் பதிவை எழுதத்தொடங்கும்போது,மரியா [yoani mariya sanchez]நிச்சயமாய் நினைத்துக்கூட பார்த்திருக்க மாட்டார்.வலைப்பூ தொடங்கிய ஒரு ஆண்டுக்குள் இப்படி சர்வதேச கவனம் பெற்று,மாதம் பத்து லட்சம் ஹிட்டுகள் பெறுமென்று,[10 lakhs hits per month.] தனது வலைப்பூ 17 உலக மொழிகளில் மொழி பெயர்க்கப்பட்டு வருவதைப்பற்றி,தனது வலைப்பூவில் அமெரிக்க அதிபர் பராக் ஒபாமாவிற்கே 7 கேள்விகளை கேட்க, உடனே அவரும் பதில் அளிப்பார் என்று..நினைத்துக்கூடபார்க்கவில்லை.மேலும் சர்வதேச செய்தி இதழான Time பத்திரிக்கையும்,CNN- ஊடக நிறுவனமும் சேர்ந்து

உலகெங்கும் எடுத்தாய்ந்த கருத்துக்கணிப்பின் முடிவின் படி "உலகின் செல்வாக்குப்பெற்ற நூறு மனிதர்களுள் தானும் வருவோமென,"மற்றும் உலகின் மிகச்சிறந்த வலைப்பூக்களுள் முதல் 25 வது இடத்தை பிடிப்போமென...தொடர்ந்து இன்று வரை பல சர்வதேச விருதுகளும்,பரிசுகளும், பெறுவோமென கனவு கூட காணவில்லை இவர்.

1.யார் இந்த யானி மரியா சான்செஸ்?

2. அப்படி என்ன செய்து விட்டார் மரியா?

கியூபாவில் உள்ள ஹவானாவில்[ septemper-4th-in 1975]ல் பிறந்த சான்செஸ் ,தனது பட்டப்படிப்பை மொழி இயலிலும்,முதுகலைப்படிப்பை - நவீன லத்தீன் அமெரிக்க இலக்கியத்திலும் கற்றுத்தேர்ந்தார்.பின் 1993- ல் "ரீனால்டோ எஸ்கோபர்"என்பவரை திருமணம் செய்து கொண்டு,1995- ல் ஆண்குழந்தையை பெற்றார்.பின் செப்டெம்பர் 2000- வரை "ஜென்டி நுவா "என்ற "குழந்தைகளுக்கான இலக்கியப்பத்திரிக்கையில் எடிட்டோரியலில் பணிசெய்தார்.மேலும் ஹவானாவிற்கு வருகை தரும் ஜெர்மானிய சுற்றுலா பயணிகளுக்கு ஸ்பானிய மொழி உதவியாளராக, பணிசெய்தார்.அதற்குப்பின் 2002-ல் கியூபாவில் ஏற்பட்ட,கடும் பொருளாதார நெருக்கடியால்,நாடே தவித்தபோது,பிழைப்பதற்கு வேறு வழியின்றி,நாட்டைவிட்டு வெளியேறிய,படித்த இளைஞர்களைபோல, இவரும் ஸ்விட்சர்லாந்து நாட்டுக்கு பஞ்சம் பிழைக்கபோனார்,

அங்கே,இரண்டு ஆண்டுகள் போராடிப்பார்த்து விட்டு,குடும்ப சூழ்நிலை காரணமாக 2004-ல் கியூபா திரும்பினார்.[தனது தாய் நாட்டிற்கு திரும்ப வருவதற்கு,கியூபா நாட்டின் கெடுபிடியான குடியேற்ற விதிகளுடன் போராட வேண்டியிருந்தது.]

வந்த கையோடு,2004-ல் தனது நண்பர்களுடன் சேர்ந்து, சிறு பத்திரிக்கை ஒன்றைத்தொடங்கி நடத்திவந்தார்.இந்த கால கட்டத்தில் கம்ப்யூட்டர் கல்வியிலும் தேர்ந்துகொண்டார்.சரியாக 3-வருடங்கள் கழித்து ஏப்ரல் -2007-ல்,[Generation Y ] தனக்கான பிரத்யேக வலைப்பூவை தொடங்கினார்.இலங்கையின் ராஜபக்சே சகோதரர்களைப்போல,கியூபா வின் காஸ்ட்ரோ சகோதரர்களின் கம்யூனிச ஆட்சியில் மக்களின் அடிப்படை சுதந்திரத்திற்கு எதிரான அச்சுறுத்தல்கள்,மனித உரிமை மீறல்கள், இப்படி மக்களின் பலதரப்பட்ட பிரச்சினைகளை,தனது வலைப்பூவில் எழுதத்தொடங்கினார்.சும்மா விடுமா? கம்யுனிச அரசாங்கம்,அரசுக்கு எதிராக எழுதுவதை,அடக்கி,ஒடுக்கி வைக்க,மிரட்டிப்பார்த்தது,பணியவில்லை சான்செஸ்,தொடர்ந்து எழுதினார்.....ஆனால் அரசோ மார்ச் மாதம்-2008 ல் ,பொது மக்கள் அவரது வலைத்தளத்தை பார்க்க முடியாதபடி [filter ]தடை செய்துவிட்டது

அடக்குமுறைகளுக்கு பணியாத,மனம்தளராத மரியா,வெளிநாடுகளில் உள்ள தனது நண்பர்களுக்கு e-mail மூலம்,தன் பதிவுகளை அனுப்பி,அவர்களையே போஸ்ட் செய்யவைத்து,வலைப்பூவை மலர வைத்தார்....பிறகென்ன ?உலகங்கும் கொஞ்சம் ,கொஞ்சமாக நறுமணம் வீசத்தொடங்கியது.பொறுமை இழந்த காஸ்ட்ரோ சகோதரர்கள் இனி மரியாவை காலி செய்வதுதான் ஒரே தீர்வென முடிவுசெய்து,ஆளைத்தூக்க கூலிப்படையை ஏவினர். வெளியில் வந்த மரியாவை,கருப்பு நிறக்காரில் இருந்த அடையாளம் தெரியாத மூன்று நபர்கள்,வலுக்கட்டாயமாக இழுத்து,உள்ளே திணித்துக்கடத்தி சென்றனர்.என்ன நடந்தது என்று இதுவரை யாருக்கும் தெரியாது,அரைமணிநேரம் கழித்து, காரிலிருந்து சாலையில் உருட்டி விடப்பட்டார்,உடலெங்கும் கன்றிப்போன காயங்களோடு,அழுதபடி வந்தார் yoani sanchez. மக்கள் முன்னால் நடந்த இந்த கொலை வெறித்தாக்குதலை ஆளும் கம்யுனிச அரசோ வாய்திறக்கவில்லை,ஆனால் அமெரிக்க உள்விவகாரத்துறை இதனை கண்டித்தது,அதிபர் பராக் ஒபாமாவோ மரியாவின் வலைப்பூவை புகழ்ந்து தள்ளினார்,கியூபா மக்களின் அன்றாட வாழ்கையின் நிதர்சனமான உண்மைகளை,வெளி உலகத்திற்கு காட்டும் தனித்துவமான சன்னல் உங்களது வலைத்தளம் என்று.

இப்படி சர்வதேச கவனத்தைபெற்ற யானி மரியா சான்செசுக்கு உலகெங்கும் பல விருதுகளும்,பரிசுகளும் கிடைத்த வண்ணம் உள்ளது,குறிப்பாக அமெரிக்காவின் பிரசித்தி பெற்ற கொலம்பிய பல்கலைக்கழகத்தின் இதழியல் துறை வழங்கிய 5000 டாலர் பரிசோடு,[maria moors cabot prize ] விருதும்,நியூ யார்க் சென்றுவர விமான டிக்கெட்டும் கிடைத்தது, அரசாங்கம் அனுமதிக்கவில்லை,மேலும் ஸ்பெயின் நாட்டின் பத்திரிக்கையான -EL-pais வழங்கிய, ortega Gasset Award,உலக பொருளாதார மாமன்றம் [young global leader honoree- WORLD ECONOMIC FORUM.] வழங்கிய விருது,இப்படி தன்னை பெருமை படுத்தும் சர்வதேச நிகழ்ச்சிகளுக்கு செல்ல கியூபா நாடு தொடர்ந்து தடைவிதித்து வருகிறது.

உலகெங்கும் உள்ள வலைப்பதிவர்களுக்கு பெருமையையும்,முக்கியத்துவத்தையும், போராடி பெற்றுத்தந்த யானி மரியா சான்செஸ் அடக்கு முறைகளின் சுவர்களையும் தாண்டி,கம்யூனிச அரச பயங்கர வாதத்திற்கும் அஞ்சாமல் "தனி மனித இராணுவமாக போராடிவருகிறார்.....உலகெங்கும் உள்ள வலைப்பதிவர்களின் வாழ்த்து மழையில் நனையும் மரியாவிற்கு உங்களோடு சேர்ந்து நானும் வாழ்த்தி பெருமையாக பயணிக்கிறேன்.....தொடர்வோம். வணக்கம்..

மார்கழி மகா உற்-சவம்.

2009-12-23T17:01:00.005+05:30

அடாணாவிலும்

சுப பந்துவராளியிலும்,

உருப்படிகள் பாடிவிட்டு,

காம்போதியில் எடுத்த

உச்சஸ்தாயியை,

சிக்னலில் ...

"அம்மா பசிக்குதே"-என்ற,

மெலிந்த சாரீரம் இடைமறிக்க,

"ஸ்டுபிட் டிரைவர்,

அறிவில்ல உனக்கு,

கிளாச ஏத்து,

எவ்வளவு தைரியமா,

கையை உள்ள நீட்டி,

பிச்சை கேக்குறா பாரு."?என்றதும்,
பச்சை விளக்கெரிந்தது,

பறந்தது கார்,

இறந்தது இசை.

[உரையாடல் கவிதை போட்டிக்காக ---உங்கள் ஜெரி-மதுரை.]

மொழியின் பிரசவம்.

2009-12-11T18:40:00.003+05:30

அம்மை அப்பனால்

அமுதூறி ......

ஆதிமூலத்திடை முயங்கி,

ஐந்தால் சுகித்ததை,

ஆறால் கருத்தாங்கி,

பின் ...

சுகமாய்..

நழுவி விழுகிறது,

கவிதைக்குழந்தை.

நீ தமிழனா? இதைப்படி முதல்ல.

2009-12-09T21:53:00.000+05:30

புலிகளின் 20 விழுக்காட்டை, நூறு விழுக்காடாய் ஊதிப்பெருக்கி பழியை புலிகள் மீது சுமத்துகிற வன்மம் இங்குள்ள சிலருக்குள் ஆணிவேர் போட்டுள்ளது. இலங்கை இராசபக்சேக்களும் இந்திய மன்மோகன்களும் இந்தப் பழியிலிருந்து தப்பி விடுகிறார்கள். இலங்கை அரச பயங்கரவாதம், இந்திய ஏகாதிபத்தியம் இணைந்து எதைப் பேசி, எவ்வழியில் நடக்கிறார்களோ அதையே பேசுவது, அதே வழிநடப்பது என்பதைச் செய்கிறார்கள் இந்த மகானுபாவர்கள். இதற்கான ஆதாரம்- இவர்கள் எதைப் பேசுகிறார்கள் என்பதை விட, எதைப் பேசாமல் விடுகிறார்கள் என்பதில் அடங்கி உள்ளது.

புலிகளின் பாசிஸம் பற்றி மேளம் அடிப்பவர்கள், புலிகளுக்கும் முந்தி - கல்தோன்றி மண்தோன்றாக் காலத்தே முன்தோன்றிய மூத்த சிங்களப் பாசிசம் பற்றி மௌனம் காப்பார்கள். இவர்கள் உயர்த்திப் பிடிக்கும் பக்கங்களை விட, ஒளித்துவைக்கும் பக்கங்கள் அநாகரிகமானவை. இவை இவர்களை யாரென வெளிச்சப்படுத்துபவை.

இருபத்தேழாயிரம் பேர் விடுதலைப் புலிகளாக இருப்பார்களோ என்ற சந்தேகம். ஆள் காட்டிகளின் துணையோடு முகாம்களிலிருந்து அகற்றப்பட்டதும், ஆம் அவர்கள் புலிகளே தான் என்ற குதூகலம் அரசுக்கு. இராணுவத்தால முகாம்களிலிருந்து அகற்றப்பட்டு, தனி சித்திரவதை முகாம்களுக்கு கொண்டு செல்லப்பட்ட 27ஆயிரம் பேர் பற்றி இவர்கள் பேசியதில்லை. 8 - வயது முதல் 14 வயது வரையுடையோர் நமக்குச் சிறுவர்கள்; இலங்கை இனவெறிக்கு அவர்கள் இளைஞர்கள். பெற்றோர்களிடமிருந்து, சேக்காளிகளிடமிருந்து விசாரணைக்காக பிரிக்கப்பட்ட 14ஆயிரம் சிறுவர்கள் எங்கு கொண்டு செல்லப்பட்டனர்? எல்லோரும் கேட்டாயிற்று. இவர்கள் மட்டும் கேட்கவில்லை.

கைதுசெய்யப்பட்ட போராளித் தலைவர்கள் - பெயர் வெளியுலகுக்குத் தெரியவந்தது; ஒருவர், இருவராய், குழுக் குழுவாய் அழித்தொழிப்பு செய்ததும் உலகத்துக்குத் தெரியவந்தது. உலகமட்டம் வரை தெரிந்த சேதி - இவர்களுடைய கண்னோட்டத்தில் ஒரு கண்டன சம்பவமாகக்கூட பதிவாகவில்லை. கேட்டால் புலிகள் செய்யவில்லையா என எதிர்க்கேள்வி எழுப்பத் தயார். பதிலாய், அரசபயங்கரவாதம் பழி எடுக்கிறது என்பார்கள்.

நீங்கள் என்ன செய்து கொண்டிருக்கிறீர்கள் அ.மார்க்ஸ் அவர்களே?

வதைமுகாம்களில் சாகிறவர்களை, அவரவர் ஊர்களில், நிலத்தில், வீடுகளில் போய் சாகவிடுங்கள் என்று கேட்டதுண்டா? கொன்று போட்டவனின் கரங்களுக்கு பூமாலை சுற்றுவது மட்டுமே செய்கிறவர்களை எந்த மனித உரிமைப் போராளி ரகத்தில் சேர்ப்பது?

இந்தக் கட்டுரை எழுதுகிற நேரத்தில் தினமணி நாளிதழில் (9.9.2009) “இலங்கைத் தமிழரின் தற்போதைய நிலைக்குக் காரணம்” - எனும் கருத்துக் கணிப்பு வெளியாகியுள்ளது.

விடுதலைப் புலிகள் - 19.8%

இலங்கை அரசு - 21.33%

இந்திய அரசு - 58.69%

- மக்களின் கருத்துக்கள் முடிவுகளாய் வந்துள்ளன.

தமிழகத்தில் செயல்படும் பலமனித உரிமை அமைப்புகள், இயக்கங்கள் இணைந்து ‘வன்னி வதைமுகாம் தமிழர் விடுதலைக்கான இயக்கம்’ என்றொரு அமைப்பை சென்னையில் உருவாக்கியுள்ளன. மூன்று தீர்மானங்கள் அடிப்படையில் செயல்பட முடிவெடுக்கப்பட்டுள்ளது.

1. தமிழகத்தில் பரப்புரை செய்து, எழுச்சியை உருவாக்கி அழுத்தம் தருவது.

2. இந்தியாவில் பிற மாநிலமனித உரிமைச் செயற்பாட்டாளர்களுடன் தொடர்பு கொண்டு - இந்திய அளவில் விழிப்பை உருவாக்குதல்.

3. இராசபக்சேக்களை போர்க் குற்றவாளிகள் என விசாரித்து தண்டிக்க - ஐ.நா. மன்றத்துக்கு எடுத்துச் செல்வது.

என மூன்று நடைமுறைகளை மேற்கொள்ளும் நேரத்தில், இலங்கையில் இதே முனைப்போடு செயல்படும் மனித உரிமை ஆர்வலர்களை அழைத்து இங்கே பேச வைப்பது, அவர்களை நம்முடன் இணைந்து செயல்பட வைப்பது. இந்த குரலில் ஒன்றில் கூட உங்கள் குரல் காணப்படவில்லையே அ.மார்க்ஸ் அவர்களே!

நீங்கள் எப்போதுமே தன்னடையாளத்தை முன்நிறுத்தி தனித்து செயற்படும் நபர். இவர்களோடு இணைய முடியவில்லை என்றால் அவர்கள் எழுப்பும் இந்தக் குரல்களில் ஏதாவது ஒன்றையாவது நீங்கள் எடுத்துக் கொண்ண்டிருக்க வேண்டும். தன்னடையாளத்தை எப்போதுமே பிரதானப்படுத்தி வருகிற நீங்கள் தனியாக மனித உரிமைத் தளத்தை உருவாக்கி உடுக்கடித்திருக்கலாமே! தனித்து செயற்படும் உங்களுடன் இணைந்து செயற்பட்டதால் நாம் அறிந்தவை இவை. இம்மாதிரி அனுபவத் தொகுப்பின் அடிப்படையில் பாவப்பட்ட வன்னிமுகாம் மனிதர்களை மீட்க குரல் கொடுத்திருக்கலாம்.

அம்னெஸ்டி இன்டர்நேசனலின் முன்னாள் இயக்குனரும் இல்லினாய்ஸ் பல்கலைகழகத்தின் முன்னாள் பேராசிரியருமான பிரான்சிஸ் பாய்ல் மனித உரிமைத் தளத்தில் செயல்படுகிற ஒருவர். மனித உரிமைத் தளத்திலேயே நடந்து, இனப்படு கொலைக்கு தீர்வு என்னவாக இருக்கமுடியும் என்பதை அவர் தெளிவுபடுத்தியுள்ளார்.

“பன்னாட்டுச் சட்டங்களின்படியும் செயல்முறைகளின்படியும் தங்கள் சுயநிர்ணய உரிமையை இலங்கைத் தமிழர்களே முடிவு செய்ய வேண்டும். எனினும் இங்கு ஒன்றைக் குறிப்பிட விரும்புகிறேன். வரலாற்று ரீதியாகப் பார்க்கும்போது, இலங்கைத் தமிழர்களைப் போல இனப்படுகொலைக்கு ஆளாகும் எந்த மக்கள் குழுவும், தங்களுக்கென்று ஒரு சுதந்திரமான தனி நாட்டை உருவாக்கிக் கொண்ட பிறகுதான் அதிலிருந்து தங்களைப் பாதுகாத்துக் கொண்டனர்.

கடந்த சில மாதங்களில் 50 ஆயிரத்திற்கும் அதிகமான தமிழர்கள் வன்னியில் படுகொலை செய்யப்பட்டபோது, எந்த ஒரு நாடும் அந்த வெறித்தனமான படுகொலை நிகழ்வைத் தடுக்க முயலவில்லை. 1948 இன அழிப்பு எதிர்ப்பு ஒப்பந்தத்தின்படி, எல்லா நாடுகளும் தாங்கள் செய்ய வேண்டிய கடமையைச் செய்யத் தவறிவிட்டன. எனவே, இலங்கை அரசிடமிருந்து தங்களைக் காப்பாற்றிக் கொள்ள, தனி நாடு ஒன்றை உருவாக்கிக் கொள்வதே இலங்கைத் தமிழர்களுக்கு ஏற்புடையது. பன்னாட்டுச் சட்டதிட்டங்களின்படி, இன அழிப்பால் பாதிக்கப்பட்டவர்கள் தனி நாடு ஒன்றை உருவாக்கிக் கொள்வதே பயனுள்ள தீர்வும் உரிய இழப்பீடும் ஆகும்”

(தலித் முரசு ஜூலை 2009 - பேராசிரியர் பாய்ல் நேர்காணல்)

மனித உரிமைத் தளத்தில் நீங்கள் ஒரு நேர்மையான பயணியாக இருந்திருந்தால், பிரான்சிஸ் பாய்ல் வந்தடைந்த அந்தப் புள்ளியில் வந்து சேர்ந்திருப்பீர்கள். நீங்களோ விடுதலைப் புலிகளின் மீதான வன்மத்தை ஒரு இனத்தின் விடுதலைப் போருக்கு எதிராக மாற்றியுள்ளீர்கள்.

நீங்கள் விடுதலைப்புலிகளுக்கு எதிராக கருத்துக்களைப் பரப்புதற்காக கிழக்கு மாகாணத்தில் இருந்து பேராசிரியர் சிராஜ் மசூரை அழைத்து வந்து மேடை தயார் செய்கிறீர்கள். ஷோபா சக்திகளுடன், சுகன்களுடன் கூட்டாய் சேர்த்துக் கொண்டு விடுதலைப்போராட்டத்திற்கு எதிராய் விதைதூவச் செய்கிறீர்கள்.

“அவர்கள் புலிகளின் அரசியல் தவறுகளைப் பற்றிப் பேசுவதின் வழியே தெற்காசியாவில் நிகழ்த்தப்பட்டிருக்கும் மாபெரும் இனப்படுகொலையை சமன்படுத்தி விடக் கூடும்.” என கவிஞர் மனுஷ்யபுத்திரன் குறிப்பிட்டது போல் பணியாற்றும் இந்த இலங்கையர்களை தமிழகம் அழைத்துவந்தீர்கள்.

“இந்தக் காயம், இந்த வீழ்ச்சி - புலிகளின் வீழ்ச்சி அல்ல. வேட்டையாடப்பட்ட சமூகத்தின் வீழ்ச்சியின் சரித்திரம் இது” - மனுஷ்யபுத்திரன் போல ஆவேசம் கொள்ள முடியாத நீங்கள் எதிர் நிலையில் நின்று கொண்டாடுகிறவர்களுக்கு தளம் உண்டாக்கித் தருவீர்கள்.

வீரச் சாவுகளுக்கு எதிர் நிலையில் நின்று மரணத்தைக் கொண்டாடும் மனம் பாசிஸ்டுகளுக்கு மட்டுமே வாய்க்கும். ஒரு இலட்சம் மனிதர்கள் சர்வதேச அரச பயங்கரவாதத்தால் அழிக்கப்பட்ட நிகழ்வு - ஒரு இனத்தின் இரத்தசாட்சியமாக உணரப்படாமல், துயரங்களின் சாம்பலில் கும்மியடித்துக் கொண்டாடும் மனத் துணிவு இனவெறியர்களுக்கு அல்லாமல் வேறு யாருக்குக் கிட்டும்?

கடந்த ஆறேழு மாதங்களாக ஈழத்தமிழின அழிப்புக்கு எதிராக தமிழகத்தில் பரவலாய் ஏற்பட்ட எந்த எழுச்சிகளிலும் அ.மார்க்ஸின் முகம் இல்லை. இனப்படுகொலை முற்றுப் பெற்று, ஈழப்பிரதேசம் அவலத்தின் உச்சத்தில் நிற்கிறபோதும் இவருடைய குரல் இல்லை. ஆனால் மரணவாசனை உலக நாசியைப் புடைக்கச் செய்யும் சூழலிலும், விடுதலைப் புலிகள் மீதான அ.மார்க்ஸின் வன்மம் தீர்ந்த பாடில்லை.

இவருக்கும், இவரைப் போல் குரல் தரும் ஷோபாசக்தி, சுகன், சுசீந்திரன், புதிதாய் இணைந்து கொண்ட ஆதவன் தீட்சண்யா வகையறாக்களுக்கும் இன்னொரு பக்கம் இருக்கிறது. பாசிசம் இவர்களை உள்வாங்கி அங்கீகரித்துக் கொண்டதின் இன்னொரு பக்கம்தான், சிங்களப் பாசிசத்தை நேரடியாய் கண்டிக்காத, அதற்கென அணிதிரளாமல் இருக்கிற இவர்களின் செயல்.

லசங்த விக்கிரமதுங்கே - என்ற உலகறிந்த ஊடகவியலாளர் படுகொலை, யாரால், எதற்காக நடத்தப்பட்டது என்பதை உலகறியும். தன் கொலைக்கு முன் அவர் எழுதிவைத்துச் சென்ற மரண சாசனத்தையும் உலகறியும். அந்தக் கொலையைக் கூட புலிகள் செய்திருப்பதாக சந்தேகப்படுகிறார் சுகன். ‘வாழ்க நீ எம்மான்’ என கருணா அம்மானுக்கு வாழ்த்துப் பா இசைக்கிறார். லண்டன் புகழ் ராஜேஸ்வரி பாலசுப்பிரமணியம் முதல் ஜெர்மனியின் சுசீந்திரன் வரை பங்கேற்ற திருவனந்தபுரத்தில் ஒரு திங்கள் முன்பு நடைபெற்ற கருத்தரங்கத்திற்கு இலங்கை அரசாங்கச் செலவு 60 இலட்சம் என்று ஒரு புள்ளிவிவரம் கூறுகிறது.

இந்த புலம்பெயர் அறிவு ஜீவிகளை சிங்களத் தேசியம், தமிழ்த் தேசியத்துக்கு எதிராய் பரப்புரை செய்ய அழைக்கிறது. வரிந்து கட்டிக்கொண்டு இவர்கள் முதலில் உள்ளேன் ஐயா சொல்கிறார்கள். தமிழ்த் தேசியம், இஸ்லாமியத் தேசியம் எல்லாவற்றுக்குமான அச்சுறுத்தலாக சிங்களத் தேசியம் மாறியுள்ளது அது தேசியத்திலிருந்து பாசிசமாக உருக்கொண்டுள்ளது. நாமெல்லாம் இலங்கையர்கள் என்னும் மஹிந்தராசபக்சேயின் அழைப்பு - பிற இனங்களை மயிருக்குச் சமமாக கருதும் குரல்தான். இலங்கையர் எனும் ஒற்றை அடையாளம் போதுமென்றால் மதம் சார்ந்த குழும அடையாளத்துக்கு, வட்டார அடையாளத்துக்கு (மலையகம்), தலித் அடையாளத்துக்கு எந்த வித அவசியமும் இல்லை. தமிழ்த் தேசியம் பேசியவர்களைக் கொன்றொழித்த சிங்கள தேசியம், பிற அடையாளங்களையும் கொன்றொழிக்கும். பிற தேசியங்களை இலங்கையில் ஒரு புள்ளி கூட இல்லாமல் அழிப்பதற்குரியவன் யார்? இன்றைய மஹிந்தாதான். இவனை விட உயரம் கூடியவர்களாக எதிர்கால மஹிந்தாக்கள் வருவார்கள். மக்களை சனநாயகத்துக்கு எதிரானவர்களாய் பயங்கரவாதியாய் கருதும் உலக அரசுகள், தமிழ் மக்களையே பயங்கரவாதிகளாய்க் காணுகிற இலங்கைக்கு துணையாகின.

அனைத்துத் தேசியங்களையும் அடக்கும் சிங்களத் தேசியத்தைக் கண்டிக்கும் அவசியத்தைக் கருதாமல் பேராசிரியர் சிராஜ் மசூரை அழைத்து வந்து, இஸ்லாமியர்களுக்கு எதிரானவர்கள் புலிகள் என்று பேச வைப்பது தனக்கிருக்கும் வன்மத்தை வெளிப்படுத்தக் கையாளுகிற உத்தியாக மட்டுமே மிஞ்சும். சிராஜ் மசூரின் கணிப்பில் விடுதலைப்புலிகள் மட்டுமே ஆயுதக் குழுக்களாம். இலங்கையிலிருந்து இங்கு வந்து, இலங்கையின் தூதுவராய் எதை வேண்டுமானாலும் பேசலாம்; கேள்விகேட்க நாதியில்லை எனத் துணிந்து விட்டார் போல.

புதுவிசை இதழில் (2009 - ஜூலை-செப்டம்பர்) இலங்கையில் ‘இஸ்லாமிய ஜிகாத் ஆபத்து என்று பாலசந்திரன் போன்றோர் எழுதுகிறார்களே என்ற கேள்விக்கு “புலிகளுக்கு பிந்திய சூழலை ‘இஸ்லாமிய ஜிகாத்’ என்ற போலிக் கண்டுபிடிப்பின் மூலம் மாற்றீடு செய்யலாம் என சில சக்திகள் திட்டமிட்டுச் செயற்படுகின்றன... தனது மனஅரிப்புகளைத் தீர்த்துக் கொள்வதற்காக இவ்வாறான புதிய அபாயங்களை இவர்கள் கட்டமைக்கின்றனர்” என்று பதிலளிக்கிறார்.

இல்லாத ஒன்றைக் கட்டமைப்பது அல்ல இருக்கிற ஒன்றைத்தான் பாலசந்திரன் போன்றோர் எடுத்து வைக்கிறார்கள். விடுதலைப் புலிகளுக்கு எதிராய் அவர்களை ஒழிக்கவும் அவர்களுக்கு ஆதரவாய் இருக்கும் கிழக்கு மாகாண தமிழ் மக்களை அரட்டி ஒடுக்கவும் இலங்கை ராஜதந்திரிகளால் பாகிஸ்தானிய மூளையால் உருவாக்கப்பட்ட ஜிகாத் அமைப்பினர் ஆயுததாரிகளாய் வலம் வந்தார்கள். ஆயுதங்களால் பேசினார்கள். அரசாங்கத்தின் ஆசியில் ஒரு பயங்கரவாத அமைப்பை உருவாக்கியாகி விட்டது. இன்று ஜிகாத் அமைப்பிடமிருந்து ஆயுதங்களைக் களைவது எப்படி என்பது அரசபயங்கரவாதத்துக்கே பெரும் சிக்கலாகியுள்ளது. ஜிகாத் அமைப்பு என்ன நோக்கத்துக்காக உருவாக்கப்பட்டதோ, அது முடிந்துவிட்டது (புலிகள் அழிப்பு) இனி ஜிகாத் அமைப்பினர் ஆயுதக் குழுவாக செயல்படாமல், ஒரு மத அமைப்பாகச் செயல்பட வேண்டும் என்று கெஞ்சும் வேண்டுகோள் அரசிடமிருந்து வெளியாகி ஊடகங்களிலும் இடம் பிடித்தது. இத்தனைக்குப் பிறகும், யதார்த்தத்தை மறைக்கிற. அறிவுஜீவிப் பணியை சிராஜ் மசூர் தன்தோள் மேல் எடுத்துப் போட்டுக் கொள்கிறார்.

“போர் உக்கிரமாக நடைபெற்ற சூழல் ஆயுத சூனிய சூழலாக இருக்குமென்று யாரும் கனவு காணத் தேவையில்லை” என்று ஆயுதக் குழுக்கள் நீடிப்பதற்கான நியாயத்தை முன்வைக்கிறபோது, இதற்குமுன் ஒரு பொய்யை முன்னுரைத்தார் என்பது வெளிப்பட்டுப் போகிறது. இதையேதான் நாங்களும் பேசுகிறோம். ஒடுக்குமுறை எல்லை கடந்து விட்டபோது, ஒடுக்கு முறைக்கு எதிரான எதிர்வினைகள் அழகானவையாக இருக்க முடியாது என இதையே தான் நாங்களும் முன்வைக்கிறோம்.

நாங்கள் மட்டுமே இதைப் பேசவில்லை. இந்தியாவிலுள்ள தாரிக் அலி போன்ற இடது சாரிகள், தீர்க்கமாய் இதைப் பரிந்துரைக்கிறார்கள். “நீங்கள் ஒரு குரூரமான ஆக்கிரமிப்பை எதிர்கொள்கையில், உங்களின் எதிர்ப்பு அழகானதாக இருக்க முடியாது” என்கிறார் தாரிக் அலி.

பாலஸ்தீனத்தில் ஹமாஸ் இயக்கம் நடத்தும் தற்கொலைத் தாக்குதல்கள், ஈராக்கியர் நடத்தும் கார்க் குண்டுத் தாக்குதல்கள் ஆகியவற்றுக்கு இந்த வாசகம் பொருந்துமானால் விடுதலைப் புலிகளின் எதிர்வினைக்கு ஏன் பொருந்தாது?

III

அ.மார்க்ஸின் புதுவிசை (ஜூலை - செப்டம்பர் - 2009) கட்டுரையை அடிப்படையாகக் கொண்டு, சில விவாதங்களை முன்னெடுக்க வேண்டியுள்ளது. வாய்க்கு வந்தபடி பேசுவது போலவே கைக்கு வந்தபடி எழுதப்பட்ட ஒரு கட்டுரை தான் அது. புதுவிசை இதழ் சனநாயகத்தின் மிகப் பெரிய திறந்த வெளி என கருதப்படுவதால், புதுவிசையின் சனநாயக வெளியைச் சோதிப்பதற்காக இக்கட்டுரையை புதுவிசைக்கும் அனுப்பியுள்ளேன்.

புதுவிசையில் அ.மார்க்ஸ் எழுதுகிறார்: தமிழ் அறிவு ஜீவிகள் மத்தியில் மரண அமைதி நிலவுகிறதாம்; அதையும் வேறொருவர் சொல்லி வருத்தப்பட்டாராம். பொய் பேசுகையில் மற்றொருவரை துணைக்கழைத்துக் கொள்வது அ.மார்க்ஸின் வழக்கம். தனது குடும்ப அட்டையைத் அரசிடம் திருப்பிக் கொடுக்கப் போவதாக கன்னியாகுமரியிலிருந்து ஒரு எழுத்தாளர் திரும்பத் திரும்பச் சொல்லிக் கொண்டே இருந்தாராம். எழுத்தாள நண்பர் பெயரைத் துணிவாய்க் குறிப்பிட வேண்டியது தானே? தான் முன்வைக்க வருகிற கருத்துக்கு இட்டுக்கட்டல்களை முன்வைப்பது அ.மார்க்ஸின் சிந்தனைக் கலாச்சாரத்தின் ஒரு கூறு.

அலட்சியப்படுத்தப்பட்ட சில பிரச்னைகளை முன்னிறுத்திப் போராடும் மக்கள் - குறிப்பான போராட்ட வடிவமாக ரேஷன் அட்டைகளை அரசிடம் திருப்பிக் கொடுக்கின்றனர். அவர்களது ஒற்றுமையை எடுத்துரைக்கும் புதுமையான, யுக்தியான போராட்ட முறை இது. தான் சொல்லவருவதற்கு வலுச் சேர்க்க அதையும் கொச்சைப்படுத்துகிறார்.

எழுத்தாளர்களின் ஆறுமாதகால பருவ நிலையை கணிக்கிற வானிலை அதிகாரியாக தன்னைத் தீர்மானித்துக் கொண்டார். மற்ற எழுத்தாளர்களைப் பற்றிக் கணிப்பது - இவருக்கு அல்வா சாப்படுவது போல. கணிப்பு அல்ல, விமர்சனமும் அல்ல, அவதூறுகளின் மட்டத்துக்கே அது மிஞ்சும்.

அ.மார்க்ஸின் பெரும்பாலான ஒதுக்குதல்கள், அரவணைப்புகள் பிரச்னையின் தாரதம்மியத்தை அடிப்படையாகக் கொண்டவையல்ல. தனி மனிதர்கள் மீதான அவருடைய வெளிப்பாடுகள் விருப்பு வெறுப்புகள் மீது எழுபவை. பிறரோடு கொள்ளும் உறவையும் இந்த வகையிலேயே அமைத்துக் கொள்வார். நேற்றிருந்தார் இன்றில்லை, இன்றிருப்பார் நாளை இல்லை - இவருடைய அறிவு ஜீவிப் பயணிப்பில்.

புதுவிசை கட்டுரையில், தகவல் தொழில் நுட்பவியலாளர்கள் மீது தனக்குப் பெரிய மரியாதை கிடையாது எனத் தெரிவிக்கிறார். இவர் எந்த அளவுக்கு மரியாதை தருகிறார் என்பதைப் பொறுத்து தகவல் தொழில்நுட்பவியலாளர்கள் தமது பணியை முன்னெடுக்கவில்லை. தமக்கு ஒரு சமுகக் கடமையுள்ளது எனத் தீர்மானித்து போரை நிறுத்து என ஒருநாள் உண்ணா நிலைப் போராட்டத்தையும் பின்னர் தொடர்ச்சியான பணிகளையும் மேற்கொண்டனர். போர் என்ற பெயரில் நிறைவேறிய இனப்படுகொலையைக் கண்டித்து இருமாதங்கள் முன்பு பேரணி நடத்தினர். அவர்களுடன் இணைந்திருக்க வேண்டும். ஈழப் போராட்டத்துக்கு எதிரான நிலைப்பாடுடைய இவரால் அவர்களுடன் இணைய முடியவில்லை. ஈழப் போராட்டம் பற்றி, ஈழவிடுதலைப் போராளிகள் பற்றி இவருக்கு எந்த மரியாதையும் இல்லை என்பது தான் அதற்கு ஆதரவானவர்கள் மீதும் எந்த மரியாதையும் கிடையாது என்பதாக வெளிப்பட்டிருக்கிறது.

நக்கீரன், ஜீ.வி, ரிப்போர்ட்டர் போன்ற வாரஇதழ்கள் வியாபாரப் போட்டியில் கடந்த ஆறுமாதங்களாக புலிகளைப் பற்றிய செய்திகளை - ஆதாரப்பூர்வமற்ற செய்திகளை வெளியிட்டன என்கிறார் அ.மார்க்ஸ். வார இதழ்களுக்கிடையேயான வியாபாரப் போட்டியை நாங்கள் அறிவோம். நக்கீரன் - வெளிப்படையாக புலிகளை வைத்து - வியாபாரம் பண்ணுவதையும் அறிவோம். அதனுடைய ஒற்றைத் தனத்தோடு எல்லா இதழ்களையும் சமனப்படுத்தி விடக்கூடாது.

தமிழ்த் தேசிய ஆதரவாளர்கள், புலி ஆதரவு மாவோயிசம் பேசும் இளைஞர்கள் நாளிதழ்களைக் கூடத் தேடிப் படிப்பதில்லை என்கிறார். தமிழ் நாட்டின் நாளிதழ்கள் மட்டுமல்ல இந்திய நாளிதழ்களும் இராசபக்சேயிசம் பேசின; பரப்பின. இலங்கை அரசும் இந்திய ஏகாதிபத்திய அரசும் என்ன கொடுக்கிறரர்களோ அந்தச் செய்திகளை அப்படியே ‘ஈயடிச்சாங் காப்பி’ பண்னின. எந்த நாளிதழ்களைத் தேடிப் படிக்கச் சொல்கிறார்? தினமலரையா? தினமணியையா? தி ஹிந்துவா, இன்டியன் எக்ஸ்பிரஸ்ஸா? ஈழப்பிரச்னை பற்றி துளி அக்கறையும் காட்டாத இந்திய நாளிதழ்களில் எதைத் தேடி இளைஞர்களை வாசிக்கச் சொல்கிறார்?

அதே பொழுதில் வார இதழ்கள் ஓரளவு சுயத்தன்மையுடன் அவர்களே தேடி, விசாரித்து எடுத்த ஈழச் செய்திகளைத் தந்தனர். அதனாலேயே கடந்த ஐந்தாறு மாதங்களில் அவைகளின் விற்பனை பெருகின. களப்பிர தேசத்திலிருந்து தமிழகத்தை ஏதோ ஒருவகையில் வந்து சேரும் சிலரையும் பலரையும் சந்தித்து செய்திகள் சேகரித்து, அலசி, பெருமுயற்சிக்குப் பின் வெளியிட்ட வார இதழ்ககளின் இந்த நடைமுறைக்கும், இலங்கை இந்தியா நாடுகளின் ஊதுகுழல்களாகச் செயற்பட்ட நாளிதழ்களின் நடைமுறைக்கும் இடையிலான வேறுபாட்டை வெளிப்படையாகக் காணமுடியும். வாரஇதழ்கள் வெளியிட்ட செய்திகள், கட்டுரைகள் புலிகளுக்கு ஆதரவாகவும் அந்த மக்கள் பக்கம் இருந்தன என்பதும் இயல்பானது. அதன் காரணமாகவே அ.மார்க்ஸுக்கு ஏற்படுகிற ஆத்திரமும் இயல்பானது. இலங்கைப் பாசிசத்தின் தூண்களாய் செயற்பட்ட இந்திய நாளிதழ்களை தேடிப் படியுங்கள் என்று அவர் சொல்வது ஒன்றை உறுதிப்படுத்துகிறது. அவருடைய இந்தப் பார்வை அவரை நோக்கியே விரல் நீட்டுகிறது. “நீர் ஒரு விடுதலை எதிர்ப்பாளர்”

அவர் குற்றம் சுமத்துகிற தமிழ்த் தேசியர்கள், புலிகளின் முகவர்கள் இதையே வேறொரு மொழியில் சொல்வார்கள். “நீரொரு தமிழினப் பகைவர்”

இதன் பொருள் வேறொன்றுமில்லை. மக்களின் எதிரி என்பதே.

கிறித்துவப் பாதிரிமார்கள், போதகர்கள், கன்னியர் எல்லோரும் இணைந்து ஈழத்தமிர்களுக்கு ஆதரவாக இருமாதங்களுக்கு முன் உண்ணா நிலைப் போராட்டம் நடத்தியபோது தொடங்கிவைக்க இவரை அழைத்தார்களாம். அழைத்திருக்கக் கூடாது; அழைத்தார்கள். இவரும் போயிருக்கக் கூடாது, போனார். ஏனெனில் ஈழத் தமிழருக்கு ஆதரவான போராட்டம் அது. ஈழத்தமிழருக்கு ஆதரவாய் போரை நிறுத்து என்ற முழக்கம் விடுதலைப் போராளிகளுக்கு ஆதரவானது தானே என்று அவர்களும் நினைத்துப் பார்க்கவில்லை, இவரும் நினைத்துப் பார்க்கவில்லை. கொள்கை அடிப்படையில் தீர்மானிக்கிறபோது மட்டுமே எந்த மேடையையும் பயன்படுத்திக் கொள்வது என்ற சந்தர்ப்பவாதம் இல்லாமல் போகும்.

முதிய வயதில் முதல்வர் கருணநிதி ஓய்வு பெறுவது நல்லது என்ற கருத்தை பரிக்ஷா ஞாநி முன்வைத்தார். இன்ஸ்டன்ட் காப்பி என்பது போல் ஞாநியை சாடுவதற்காகவே உடனே ஒரு புதிய அமைப்பை உருவாக்கி அதன் பேரில் வாணிமகாலில் ஒரு கூட்டத்தையும் ஏற்பாடு செய்தார்கள். அதில் ரவிக்குமார் (சட்டமன்ற உறுப்பினர்), இமயம், அ.மார்க்ஸ் போன்றோர் பங்கேற்றார்கள். என்னையும் பங்கேற்குமாறு தொலைபேசியில் கேட்டார்கள். ‘ஞாநி எழுதிய அந்தக் குறிப்பிட்ட கருத்தில் எனக்கு உடன்பாடு உண்டு. அதனால் கலந்து கொள்ள இயலாது’ என மறுத்தேன். அ.மார்க்ஸ் கலந்த கொள்கின்ற செய்தி எனக்கு ஆச்சரியம் அளித்தது. தொலைபேசியில் அவரிடம் கேட்டபோது, “என்ன இருந்தாலும் ஞாநிக்குள் ஒரு பார்ப்பன சிந்தனை ஓடிக்கொண்டிருக்கிறது. கலைஞரைப் பற்றி விமரிசிக்கிறபோது எதிர்வினையாற்றுகிற இவர்கள் பெரியாரை காமுகன், பெண் விடுதலைக்கு எதிரானவர் என்று பழிசுமத்திய போது எங்கே போய் இருந்தார்கள் என்று கேள்வி எழுப்பப் போகிறேன்” என்றார். அவ்வாறு பேசியதாகவும் நான் கேள்விப்பட்டேன். கலைஞரைத் தாக்கி எழுதியதைக் கண்டிப்பது மட்டுமே ஏற்பாட்டாளர்களின் நோக்கம். இதை தாண்டி வேறொரு பிரச்னையை அங்கு பேசுவது விவாதிப்பது அவர்களின் நோக்கம் அல்ல. அதனால் அவர்கள் அதற்குப் பதிலளிக்கவும் இல்லை. இதிலிருந்து கூட்ட ஏற்பாட்டாளர்கள் பற்றி ஒரு முடிவுக்கு வருவதை விட, எந்த அரங்கையும் பயன்படுத்தி தனது அறிவாளி மேன்மையை நிறுவுகிறவர் இவர் என்ற முடிவுக்கே வரவேண்டியிருக்கிறது.

புலிகள் எதிர்ப்பு என்ற அடிப்படையில் மட்டும் உறுதியாய் நின்றிருந்தால் கூட கிறித்துவ பாதிரியார்கள், கன்னியர் நடத்திய ஈழ ஆதரவு கூட்டத்துக்கு அ.மார்க்ஸ் போயிருக்கக் கூடாது. அந்தக் கூட்டத்தில் பேராசிரியர் சரசுவதி பேசிய பேச்சில் சென்னையில் நந்தம்பாக்கத்தில் பாதுகாப்புத் துறை மருத்துவனையில் இலங்கையில் படுகாயமுற்ற 122 இந்திய இராணுவ வீரர்கள் அனுமதிக்கப்பட்டிருப்பதாகவும் தான் கூறும் செய்திகள் ஆதாரபூர்வமானவை என வலியுறுத்தியதாகவும் அ.மார்க்ஸ் குறிப்பிடுகிறார். அதன் பின்னர் வரும் கேள்வி தான் மிகப்பெரிய முரண் நகைச்சுவை.

“பல்வேறு ஆதரவுப் போராட்டங்களை நிகழ்த்திக் கொண்டிருந்த தாங்கள் ஏன் அந்த மருத்துவமனையை முற்றுகையிடும் போராட்டம் ஒன்றைச் செய்ய முனையவில்லை?” என்று அ.மார்க்ஸ் எழுப்புகிற கேள்விதான் அது. என்ன அபத்தம்! பெரியார் தி.க.வினர் ஈழ ஆதரவுப் போராட்டங்களை மட்டுமே நடத்தவில்லை. இந்திய அரசுக்கு எதிராக – விமான நிலையத்தை முற்றுகையிடுதல், மத்திய அரசின் வருமான வரி அலுவலகங்களை இழுத்துப் பூட்டுதல், ஆயுதங்களுடன் வந்த இராணுவ லாரிகளை மறித்து ஆர்ப்பாட்டம் செய்தல் என அவர்கள் தொடர்ந்து போராடித்தான் வருகின்றனர். அ.மார்க்ஸ் போல் அறிக்கை விட்டு காணாமல் போகிறவர்கள் அல்ல.

அ.மார்க்ஸ் பல்வேறு பிரச்னைகளுக்காக உண்மை அறியும் குழு அமைப்பார். விசாரணை நடத்தி அறிக்கை சமர்ப்பிப்பார். மனித உரிமைத்தளத்தில் அதன்பின் மூச்சுக் காட்ட மாட்டார். ஏப்ரல் 2008-ல், கருத்துரிமைக்கான மனித உரிமைகளின் கூட்டமைப்பை உருவாக்கினார்கள். அதன் அமைப்பாளர் அ.மார்க்ஸ்.

“மனித உரிமைக்கு எதிராக நடந்து கொண்டிருக்கும் அரசாங்கத்தின் போக்கை எதிர்க்கும் விதமாக இனி கூட்டமோ, ஆர்ப்பாட்டமோ, பொதுக் கூட்டமோ, ஊர்வலமோ நடத்தினால் அதற்கு போலீஸ் அனுமதி வாங்கமாட்டோம். என்ன செய்கிறது இந்த அரசு என்பதையும் பார்த்து விடுகிறோம்” என்று அரசுக்கு அறைகூவல் விடுத்தார். பாராட்டுக்குரியது. ஆனால் அரசு தொடர்ந்து கருத்துரிமைப் பறிப்பு செய்து கொண்டுதான் இருக்கிறது. பொதுக் கூட்டம், ஆர்ப்பாட்டம் நடத்த தடை விதித்துக் கொண்டேதான் இருக்கிறது. அதன் பின் எத்தனை நிகழ்வுகளை அ.மார்க்ஸ் அனுமதியில்லாமல் நடத்தினார்? உண்மையில் தமிழ்தேசிய உணர்வாளர்கள் தான் அனுமதியின்றியும், தடையை மீறியும் ஈழ ஆதரவுப் போராட்டங்களையும் கூட்டங்களையும் நடத்தி வருகிறார்கள்.

இவ்வாறு அ.மார்க்ஸ் உருவாக்கிய எத்னையோ அமைப்புக்கள் எந்த செயற்பாடுகளும் அற்று முடங்கிக் கிடக்கின்றன. அமைப்பு உருவாக்கியதாக அறிக்கை வரும். அதன் பின் அனாதையாய் அந்த அமைப்பு விடப்படும். அறிக்கை விடுதல் - அதன் பின் செயலற்ற தன்மை - இது தான் அ.மார்க்ஸ். எந்தப் போராட்ட களத்திலும் தெண்பட மாட்டார். அறிக்கை விட்டுக் கொண்டே இருப்பது ஒரு செயல் தன்மையாக ஆகிவிடுமல்லவா? இவர் மட்டுமல்ல, இவருடைய சீடர்கள் எனப்படும் ஷோபா சக்தி போன்ற ஆட்களும் அறிக்கை திலகங்கள் என்று பெயரெடுத்தவர்கள் தாம். இவர்கள்தான் தொடர்ச்சியாக களத்தில் நிற்கும் பெரியார் தி.க. மற்றும் தமிழ்த் தேசிய அமைப்புகள் மீது சேற்றை வாரியிறைக்க முற்படுகிறார்கள்.

அ.மார்க்ஸின் கற்றல் நேர்மை, சிந்திப்பு நேர்மை, செயல்பாட்டு நேர்மை ஆகியவை குறித்த கேள்விகள் முக்கியமானவை. கற்றதும் பெற்றதுமான கருத்து எந்தச் சூழலுக்கு சொல்லப்பட்டதோ அதில் இருந்து பிரித்து வேறொன்றிற்குப் பொருத்தி விடுவதை ஒரு புதிய கண்டுபிடிப்புப் போல செய்வது அதன் பயன்பாட்டு நேர்மை குறித்த சந்தேகத்தையும் எழுப்புகிறது. புதிதாக கற்றுப் பெற்ற ஒன்றை உடனே தன் சுயசிந்தனையிலிருந்து பெற்றது போல் இறக்கி வைத்து விடுவது சிலருக்கு கைவந்த கலை. எந்த விசயத்திலும் தானே அத்தாரிட்டி என்ற அறிவின் கர்வம் உச்சமாக வெளிப்படும்.

பேராசிரியர் கா.சிவத்தம்பியின் பணிகளைப் பாராட்டி சென்னைப் பல்கலைக்கழக தமிழ் இலக்கியத்துறை சார்பில் நடைபெற்ற அரங்கில் ருசியாவில் நிலவிய சர்வாதிகாரத்திற்கு வித்திட்டவர் லெனின் என்று பேசினார். அந்த இடத்திலேயே அவருடைய கருத்துக்கு எதிர் வினையாற்றியிருக்க முடியும். நிகழ்ச்சியின் தன்மை குறித்தும், அரங்க நாகரிகம் கருதியும் அமைதி காத்தோம் - அதற்கு முன்னான தருக்கம் எதுவுமின்றி, திடு, திப்பென்று ஒன்றை கையெறி குண்டாய் வீசி விட்டு போய்கொண்டிருக்கிற ஆத்மா அவர். அதன் பின்னான உரையாடல், விவாதம், விளக்கம் எதற்குமே இடமில்லை.

உலகமயமாதல் இன்றைய காலத்தின் அவசியம்; அந்த ஜோதியில் கலப்பதற்கு அனைவரும் ஆங்கிலம் கற்க வேண்டும் என வக்காலத்து வாங்குவார். தலித்துகள் ஆங்கிலம் கற்க வேண்டியது அவசியம் என்பார். தலித்துகளின் வாழ்வு நிலை பூமிக்கு அடியில் இருக்கிற போது, ஆரம்பக் கல்வி கூட வாய்க்கப் பெறாமல் அவலம் நிலவுகிற போது தலித்தோ அடித்தட்டு மக்களோ ஆங்கிலத்தை கைப்பற்றுவது எங்ஙனம் என்ற கேள்வி எழுவது நியாயமானது. அதற்கான எந்தப் பதிலும் அவருடைய விவாதத்தில் இருக்காது.

இறுதியாக ஒன்றைச் சொல்லி வைப்போம். சிதிலங்களில் இருந்து மேலெழுந்து வருவது பற்றி சமூக விஞ்ஞானி சிந்திப்பான். அவ்வாறு இல்லாமல் மாட்டுப்புண்னைக் கொத்திக் கொண்டேயிருக்கும் காக்கை போல் இருப்பவன் குதர்க்க விஞ்ஞானி.

“மனிதர்கள் இதுவரை படைத்துள்ள அகிம்சைத் தத்துவங்கள், புரட்சிகர தத்துவங்கள், மனித நேயக் கோட்பாடுகள், உரிமைச் சாசனங்கள் இவை எவையாலுமே இதுவரை ஈழமக்களுக்கு நீதி கிடைக்கவில்லை. சிங்களத்தின் முன்னே காந்திய அகிம்சை தோற்றுள்ளது. மார்க்சியத்தின் மக்கள் வன்முறை தோற்றுள்ளது. சர்வதேச நெறிமுறைச் சட்டங்கள் அமைதியாகி உள்ளன. இந்நிலைமைகள் இதுவரை நாம் பின்பற்றிவந்த அனைத்து சமூகக் கோட்பாடுகளையும் மீள்பரிசீலனை செய்யக் கோருகிறது. அவற்றில் நமது தோல்விக்கு காரணமானவற்றை உடனடியாகக் கைவிட வேண்டும். தேவையான புதிய எதார்த்தமான கோட்பாடுகளை நாம் தயக்கமின்றி ஏற்க வேண்டும். இவற்றிலிருந்து ஈழவிடுதலைப் போராட்டத்தின் தீர்வுக்கான அணுகுமுறைகளை நாம் வகுத்தாக வேண்டும்.”

ஈழம் - விடுதலைக்கான இறுதிக் கணக்கீடு - என்ற கட்டுரையில் சிதிலங்களில் இருந்து மேலெழும் பார்வையில் பிரபா எழுதிய அறிவாந்திரமான சிந்திப்புகளுக்கு நாம் முகம் கொடுக்க வேண்டும். இவ்வாறு ஆக்கப்பூர்வமாக சிந்திப்பதுதான் புதிய சிந்தனையின் அடையாளம். வாய் புளித்ததோ கைபுளித்ததோ என்று விமர்சனம் என்ற பெயரில் எதையாவது எழுதிக்கொண்டிருப்பதை விட்டு ஆக்கப்பூர்வமான செயல்பாட்டுக்குரிய சிந்தனைகளை முன்வைப்பது மட்டுமே சமூகவிஞ்ஞானம்.

- சூரியதீபன் ( jpirakasam@gmail.com )

நன்றி :கீற்று. இணைய இதழ்

கழிசடைகளின் கடைசிப் புகலிடம்

2009-12-07T18:44:00.002+05:30

மறைந்த முதல்வர் எம்.ஜி.யார் ஆட்சி காலத்தில் அவரது நல்லாசியுடன் சில பல வேலைகளை செய்து,தனது மீனாட்சி மிஷன் மருத்துவமனை ட்ரஸ்டுக்கு,வெளிநாட்டு நன்கொடைகளை பெற்று,பெரிய மருத்துவமனையை உருவாக்கியவர் தான் டாக்டர் சேதுராமன்.பணம் இருக்கும் இடத்தில் பிரட்சினைகளும் தேடி வருவதை சமாளிக்க,அவருக்கு அதிகார பீடங்களின் அருளாசி தேவைப்பட்டது.

எந்த ஆட்சி வந்தாலும்,அவர்களோடு ஒட்டிக்கொண்டு,அவர்களுக்கு காவடி தூக்கியே களைத்துப்போய்,நாம ஏன் சொந்தமாக கட்சி தொடங்கக்கூடாது? என யோசித்தார்.தென்மாவட்ட தேவரின ஓட்டு வங்கிகளை குறிவைத்து,

"மூவேந்தர் முன்னேற்றக்கழகம்"என்ற கட்சியை தொடங்கினார்.பணபலமும் ஆள்பலமும் சேர,கூடவே கட்சித்தலைவர் என்ற அந்தஸ்தும் சேர்ந்துகொள்ள அடுத்த ரவுண்டு ஆரம்ப மானது.

தொகுதிக்குஐநூறுஓட்டுதேறினாலேபெரியவிஷயம்.எப்படியோ தேர்தலுக்கு தேர்தல் வேட்டியையும்,சேலையையும் மாற்றி மாற்றி துவைக்கும் கம்யூனிஸ்டுகளை போல,இவரும் துவைப்பதில் ஸ்பெசலிஸ்ட்.

இப்போது லேட்டஸ்ட் காமெடி என்னவென்றால்?விபச்சார வழக்கில் இரண்டு தடவை கைதானவரும்,நிழல் உலக விபச்சார தாதாக்கும்பல்களோடு தொடர்பு உள்ளவருமான நடிகை புவனேஸ்வரி யை சேர்த்துகொண்டதுதான்.

[அட..கட்சியிலதாங்க.] அவருக்கு "மாநில மகளீரணி செயலாளர் " பதவி கொடுத்து,அடுத்த தேர்தலில் M.LA. சீட்டும்

தந்து ,கூட்டணி ஆட்சி என்றால்,கலவி அமைச்சர்[ சாரிங்க...புள்ளி வைக்க மறந்துட்டேன்.]கல்வி அமைச்சர் பதவியும்

வாங்கித்தருவதாகவும் வாக்கு கொடுத்து இருக்கிறாராம் டாக்டர் சேதுராமன்.

வாழ்க ஜனநாயகம், வளர்க பணநாயகம்.

ஆனால் ஒன்று, மிஸ்டர் சேதுராமன், நீங்கள் யாரை வேண்டுமானாலும் சேர்த்துக்கொள்ளுங்கள், அது உங்கள் தனிப்பட்ட விவாகம்,சாரி விவகாரம்.ஆனால் மிகவும் பிரமாண்டமாக வளர்ந்து வருகிறதே உங்களது "மகா சேமம்."என்ற மகளிர் சுய உதவி குழுக்களான தொண்டு நிறுவனம், அதில் மட்டும் அம்மிணியை மூக்கை நுழைக்க விட்டு விடாதீர்கள். அப்புறம் மகா சேமம் ....மகா ஷேமாகி ...."பப்பி ஷேமாகி விடும்."

கிஸ்கி: "அம்மிணிக்காக,அவசரப்பட்டு கட்சியில சேர்ந்து,அதனால் ஏற்படும் பின் விளைவுகளுக்கு கம்பெனி பொறுப்பேற்காது."

ஏக்கம்.

2009-12-04T17:23:00.003+05:30

சாருக்கு ஏர் டெல்,

மேடத்துக்கு வோடபோன்,

பெரியண்ணாவுக்கு ரிலையன்ஸ்,

அக்காவுக்கு டாட்டா இண்டிகாம்,

எனக்குமட்டும் BSNL..லேண்ட் லைன்.

வீட்டோட இருக்கும் வேலைக்காரிக்கு,

பதில் மட்டும் சொல்ல,

இது போதும்தானே.

ஈ.வி.கே.எஸ்.இளங்கோவன் வீடுமீது பெட்ரோல் குண்டுவீச்சு.

2009-11-28T07:49:00.000+05:30

நேற்று தமிழகமெங்கும் பரவலாக,மாவீரர் தினத்தை "தமிழ் உணர்வாளர்கள் வீரவணக்க அஞ்சலி கூட்டங்கள் நடத்தினர்."

குறிப்பாக ஈரோடு நகரெங்கும் வைக்கப்பட்டிருந்த "இன விடுதலைக்காக தனது இன்னுயிர் ஈந்த மாவீரன் பிரபாகரன்" திரு உருவப்படம்

தாங்கிய பேனர்களை,குவாட்டர் பிராந்திக்காகவும்,பிரியாணி பொட்டல த்திற்கும்,ஈ.வி.கே.எஸ்.உடன் வந்தவர்கள் அடித்து நொறுக்கினர்.

இந்த கொடுமையை சில தமிழ் உணர்வாளர்கள் நேற்று இரவே சென்னை அடையாரில் உள்ள முன்னாள் மத்திய மந்திரி ஈ.வி.கே.எசின்

வீட்டில் 12 மணியளவில் மூன்று பெட்ரோல் குண்டுகளை வீசினர்.அவை வீட்டு முற்றத்தில் விழுந்து தீப்பிடித்து எரிந்தது. மந்திரி உட்பட வீட்டில்

யாரும் தூங்கவேயில்லையாம். [நெறி கட்டுற மேட்டர் தொடங்கிருச்சோ]

"நிறம் மாறாப் பச்சோந்தி."

2009-10-29T15:30:00.002+05:30

துட்டகை முனு தந்த தூமை தோய்த்து,

பொது விகடம் பேசி சிரித்து,

சாதிய வம்பு திரித்து,

தமிழரபி வன்மம் புனைந்து,

வர்க்க முலாம் பூசிய,

பாசிச நாக்கு நீட்டி,

விதி மெலிந்த விட்டில் பூச்சிகளை,

விழுங்கித் தீர்க்கிறது,

நிறம் மாறாப் பச்சோந்தி.

"மச்சினிக் -கா - துஷ்மன்."

2009-10-26T20:53:00.002+05:30

1"மச்சினிக் -கா - துஷ்மன்."

2."தீரமூதி."

3."நட்டுவாக்காலி."

4."எசக்கி முத்துவும் நம்ம இஸ்மாயில் பேரனும்."

5."பிரண்டை."

6."தித்துலி-புத்துலி ராவுத்தர்."

7."ஜிந்தாபாத் -கி- ராணி."

8."புண்ணாக்கு."

9."கவட்டை."

10."இடிபாட்டுக்கு பிறந்தவனின் ஒப்பாரிக்கவிதைகள்."

11."உலகத்தொழிலாளர்களின் ஒட்டுமொத்தக் குத்தகைத்தாரர்கள்."

இவையெல்லாம் என்னுடைய "ஆசிரியர் பயிற்சிக் கல்லூரிக் காலத்தில்
எழுதித் தீர்த்த, சிறுகதைகள்,கவிதைகளின் தலைப்புக்கள்."

மேலும் மேற்கண்ட தலைப்புகளை "அமெரிக்காவின் கலிபோர்னியா மாகாணத்தில் உள்ள
லாஸ் ஏஞ்செலஸ் நகரில் இருக்கும் புனைவு சார் அறிவியல் கழகத்தில் -ஆசிய தமிழ் இலக்கியப் பிரிவில் பதிந்து வைத்து பிரத்தியேக உரிமை,அதாவது பேடன்ட் ரைட்ஸ் வாங்கி உள்ளேன்."

எனவே தயவுசெய்து யாரும் என் அனுமதி பெறாமல் மேற்கண்ட தலைப்புகளை பயன்படுத்த வேண்டாம் என வம்புடன் கேட்டுக்கொள்கிறேன்

முல்லைப்பெரியாறு: "கொடுங்கனவின் கானல் நீர்!"

2009-10-23T10:23:00.003+05:30

பல ஆண்டு காலமாக வற்றாமல் ஓடிக்கொண்டிருக்கும் இந்தப்பிரச்சனை,இப்பொழுது அதன் உச்சத்தை எட்டியிருக்கிறது.கேரளா அரசின் ஏமாற்றுத்தனமும், தமிழக அரசின் ஏமாளித்தனமும் சேர்ந்து , "தென் தமிழக மக்களை தீராத தாகத்தில் தவிக்க வைத்திருக்கிறது."

புளுகு மூட்டைகளின் மீது,உட்காந்துகொண்டு சோசியலிசம் பேசும்,மார்க்சிய அச்சுதானந்தன் ,"முல்லைப்பெரியாறு அணை உடைந்தால்,பல லட்சம் மக்கள் உயிரிழக்கும் அபாயம் இருக்கிறது", என்பதெல்லாம் , "முப்பத்தியொரு ஆண்டுகளுக்குமுன்னால்,புனையப்பட்ட அரசாங்க ப்பொய்." என்பது நேற்றுக்காலை 'இந்தியன் எக்ஸ்பிரஸ்நாளிதழில் திரு.பாபு ஜெயக்குமார், எழுதியிருந்த கட்டுரையைப் படித்துத் தெரிந்துகொண்டேன்.

[இலங்கை - சந்திரிகாவிடம் கேல் விருது வாங்கியவரும்,சிங்கள -பௌத்த அரச பயங்கரவாதி ராஜ பக்செவின் தத்துப் பிள்ளையும்,மார்க்சிஸ்ட் கம்யூனிஸ்ட் க்கட்சியின்
காட்பாதருமான,ஹிந்து நாளிதழை,என் வீட்டு கழிவறைக்காகிதமாக க்கூட பயன் படுத்துவதில்லை.மேலும் உறவினர்கள்,நண்பர்கள் ,ஏன் பயணத்தின் சக பயணிகளில் யாராவது 'ஹிந்து நாளிதழ் " படிப்பவராக இருந்தால்,அவர்களிடத்தில் ஹிந்து ராமின்
அதிரூப அம்சங்களை எடுத்துச்சொல்லி,தற்போது அவர்கள் கையில், ஹிந்துவைத் தவிர்த்து,மாற்று நாளிதழைப் பார்ப்பது, "எளிமையான,சிறிய கருத்துப் பிரச்சாரங்கள், பெரிய மாற்றங்களை உண்டுபண்ணும் என்ற என் கருத்துக்கு வலு சேர்த்து நிற்கிறது.]

மேற்குத்தொடர்ச்சி மலைத்தொடரில் நிமிர்ந்து நிற்கும் இரட்டை மலைகளான, குறவன்
மலை, குறத்தி மலையின் இடைவெளியை அடைத்து 555 -அடி உயரத்திற்கு கட்டப்பட்ட
இடுக்கி அணையானது,1922-லேயே அணை கட்டுவதற்கான இடம் தேர்ந்தெடுக்கப்பட்டு ,
1932-ல் நீர் மின்நிலையம் அமைக்க திட்ட அறிக்கை தயாரிக்கப்பட்டு, அப்போதைய திருவாங்கூர் அரசிடம் அனுமதி பெற்று,1969-ல் திட்டத்தை தொடங்கி,1975-ல் 780
மெகாவாட் வரை மின்சாரம் தயாரித்துக்கொள்ளும் அளவிற்கு வளர்ந்து நின்ற இடுக்கி
நீர் தேக்கத்திற்கு, நினைத்த அளவில் நீர் வரத்து வந்து சேரவில்லை.

மனிதர்களின் தொடர்ச்சியான ஆக்கிரமிப்பால்,காட்டு வளங்கள் அழிக்கப்பட்டதால்,
பருவம் தப்பி சரியான மழை இல்லை.சுதாரித்துக் கொண்ட கேரள அரசு, இந்த திட்டத்திற்கு குறுக்கே நந்தி மாதிரி நிற்பது 152 [15.5 TMC ft] அடிவரை நீரைத் தேக்கி நிற்கும்
முல்லைபெரியாறு அணை தான்.எனவே முல்லைப் பெரியாறு அணைக்கு ஆப்பு வைத்து
பெரியாருக்கு மேற்கு நோக்கி ஓடும் நீர்வரத்தை அடைத்து,கிழக்கு நோக்கி திருப்ப,
குறுக்கே அணைகட்டி, நீரை இடுக்கி நீர்தேக்கத்திற்கு அனுப்ப சூது செய்து,1978-ல் கேரள
அரசால் கூட்டப்பட்ட,ஆலோசனைக் கூட்டத்தில் கலந்து கொண்ட, அப்போதைய
அரசியல் வாதிகளாலும்,அதிகாரிகளாலும், தொழில் நுட்ப வல்லுனர்கள் என்று சொல்லிகொண்டவர்களாலும் ,"ஒட்டுமொத்த தமிழர்களின் வாழ்வாதாரத்திற்கு எதிராக
எடுக்கப்பட்ட முடிவு, அல்லது ஒரு சேரப் புனையப்பட்ட பொய் செய்திதான்,
"முல்லைப் பெரியாறு அணை மிகவும் பலவீனமாக இருக்கிறது.எந்நேரமும் உடையலாம்,
அவ்வாறு உடைந்தால் பல லட்ச மனித உயிர்கள் பலியாகலாம்." என்பது.

சரி, இந்த பொய் செய்தியை எப்படி பரப்புவது? என்ற கேள்விக்கு,அந்த கூட்டத்திலிருந்த
பொறியாளர் "விசயம் ரொம்ப எளிது." ஒரு பத்திரிக்கை நிருபரை வரவழையுங்கள்.
கூட்டத்தின் முடிவைச்சொல்லுங்கள், மீதி வேலையை அவர் பார்த்துக்கொள்வார். என்று சொல்ல,அதன்படியே அன்றைய பிரபல மலையாள நாளிதழ் நிருபர் வரவழைக்கப்பட்டு,
அடுத்த நாளே, அது தலைப்புச்செய்தியாக,இதையே கருத்துப்பிரட்ச்சாரமாக ஒவ்வொரு
மலையாளியும் செய்யத்துவங்கினார்கள். இடையில் 1979-ல் ரிக்டர் அளவில் 2 புள்ளி
ஏற்பட்ட நிலநடுக்கமும் அவர்களது பொய்க்கு வலு சேர்க்க,இன்று வரை அந்த பொய்
மூட்டையை தூக்கி சுமக்கிறார்கள்.

ஆனால் உண்மை என்னவென்றால்,அப்படியே அணை உடைந்தாலும்,முல்லைப் பெரியாறு அணை நீரானது ," நீர் வழிந்தோடியதால் ஏற்பட்ட மலை இடுக்குகளின் வழி
ஓடி, நேராக இடுக்கி நீர் தேக்கத்தை தான் அடையும்."இடுக்கி அணைக்கு எந்த சேதாரமும்
ஏற்படாது,ஏன் என்றால் முல்லைப் பெரியாறு நீர்தேக்க கொள்ளளவை விட, இடுக்கி அணையானது, நான்கு மடங்கு பெரிய,அதாவது 72.6 TMCft அளவு கொள்ளளவு கொண்டது. இதனால் மனித உயிர்களுக்கு ஆபத்து என்பது கட்டுக்கதை,என்ற உண்மையை இதுவரை யாரும் முன்வைக்கவில்லை.

இப்படியே கடந்த முப்பத்தொரு ஆண்டுகளாக தீர்க்கப்படாமல் இருந்து வரும் இப்பிரட்சினை இன்று உச்ச நீதிமன்றத்தில் உள்ளது. எது எப்படியோ? இங்கே
பருவ மழையும் தப்பிப்போக,வைகை அணையும்,"இந்தா-அந்தா" என்று ஏமாற்ற,
விதை நெல்லை, நாற்றுப்பாவி,தண்ணீர் இல்லாமல், நாற்றும் கருகிப்போய்,
நடவு செய்யமுடியாமல், விழி பிதுங்கி நிற்கும் ஏழை விவசாய சனங்களுக்கு
என்னபதில் சொல்லப்போகிறது.? "இத்தாலிய இறக்குமதியான சோனியாவின்
இந்திய இறையாண்மை."

"ஏர் டெல்-போனில் டிவிட்டர் சேவை.".

2009-10-15T19:19:00.003+05:30

நாளுக்கு நாள்,ட்விட்டிக்கொண்டு இருப்பவர்கள் அதிகமாவதால்,தனது வாடிக்கையாளர்களுக்கு மேலதிக சேவையாக,இந்தியாவில் நூறு மில்லியன் வாடிக்கையாளர்களை கொண்ட ஏர் -டெல் நிறுவனத்தோடு ஒப்பந்தம் செய்துள்ள ட்விட்டர்
நிறுவனம் இன்றுமுதல் மொபைல் போனில் -எஸ் எம் எஸ் செய்வதன் மூலம் ட்விட்டிக்கொள்ளலாம் என அறிவித்திருக்கிறது.

சேவையை தொடங்க ட்விட்டர் கணக்கில் டிவைசெஸ் கிளிக் செய்து உங்களது மொபைல் என்னை கொடுக்கவும். மேலும் விபரங்களுக்கு ஹெல்ப் பகுதியை படிக்கவும்.

"பார் கோடில் உங்கள் பெயர்".

2009-10-09T22:29:00.002+05:30

பார் கோடில் உங்களது பெயரையோ,அல்லது உங்கள் நிறுவனத்தின் பெயரையோ,இப்படி எதை வேண்டுமானாலும் பார்கோடில் பார்க்க ஆசை இருக்கிறதா,நண்பர்களே.?
ரொம்ப சுலபம். கீழே உள்ள இணைய தளத்தில் சென்று உங்களுக்கு வேண்டிய பெயரை க்கொடுத்து அழகு பாருங்கள்.

http://www.morovia.com/free-online-barcode-generator/

தடுப்பு முகாம் கவிதைகள்.

2009-10-09T16:09:00.001+05:30

பாலைவெளியின் சூன்யம் புரளும்

நீளமான இரவுகளில்

கொட்டி நிற்கும் கொடுக்குகளை

பிடுங்கிப்போட யாருமில்லை .

பால்வற்றிய தனங்களில்

வாயலையும் குழந்தைகளுக்கு

கொஞ்சம் கள்ளிபாலேனும்

தாருங்களேன்.

வக்கிர ஊளையிட்டு

சிங்கள ஓநாய்கள் காவலிருக்க

செம்மறி கிடைகளாய்

எம் தமிழ்தேசிய இனம்.

தொப்புள்கொடி சொந்தங்களே

தமிழ்சாதி உறவுகளே .....

மானாட மயிலாடிவிட்டு

எப்போதாவது ....

நேரமும்...ஈரமும் இருந்தால்

எங்களையும் கொஞ்சம் பாருங்களேன்.
===================================================================================

புதைகுழி மறந்த
சதைபிண்டங்களிநூடே
ஊர்ந்து ...நெளியுது
மானுடம்.
===================================================================================

வல்லுறவும்
சீருடைப்பேய்களின்
குரங்கிடைப்பண்டமாய்
பெற்றவள் கிடப்பதை
கண்பொத்தி விலகாமல்
பதைத்துப் பார்க்கிறான்
விதி மெலிந்த சிறுவன்.
===================================================================================

புதை குழி மேவித்திரும்பும்
இரும்புச்சக்கர வாகனமொன்று
கிளறிவிட்ட புழுதியில்
மின்னி....மறையுது
தமிழச்சியின் தங்கத்தாலி.
===================================================================================

அறுந்தும் விழாத வால்.

2009-10-03T11:29:00.002+05:30

வாலறுந்து வந்தவன் மனிதன் என்கிறார்கள் ,
ஆனால்......
வாலுடன் வாழும் மனிதர்களாகவே
இன்னும் இருக்கிறோம்.

ஒவ்வொருவருக்கும்
இது..முளைத்தே பிறக்கும்.
நாம் இறந்தாலும் இருக்கும்.
இப்படி அதிசயமான இந்த வால்,
மந்திர வாதிகளால் கணவாய் கடந்து வந்த
தெய்வ உறுப்பு என்று சொல்லிக்கொள்கிறார்கள்.

இது அழகானது .. அது அசிங்கமானது
இது குட்டையானது ,அது நெட்டையானது,
இது மொட்டையானது,அது கூரானது,
என்று அடுத்தவர் வாலைப்பற்றி, வாயாடுகிறார்கள்.

இந்த வாலை வைத்துக்கொண்டு ,
சிலர் சிலிப்பிக்கிட்டே த்திரியவும்,
சிலர் சுருட்டியே வைத்திருக்கவும்
பழக்கப்படுத்திக்கொன்டார்கள்.

அவ்வப்போது....
அவரவர் எல்லைக்குள் ..
மயிலாட்டம், குயிலாட்டம்,
கரகாட்டம்,ஒயிலாட்டம் போல,
வாலாட்டம் ஆட..
வழக்கப்படுத்திக்கொண்டார்கள்.

அவ்வப்போது அவரவர் வாலை,
நீட்டிக்காட்டவும்,
ஒளித்துச்சுருட்டவும்
ஆசைப்படுகிறார்கள்.

சிலருக்கு ...இந்த வால்
"அவஸ்தையின் ரீங்காரம்,"
இன்னும் சிலருக்கு ..
"அவசிய அங்கீகாரம்".

பலருக்கு இந்த வால்..
நமட்டிச்சிரிக்கவும்,
நக்கி பிழைக்கவும்,
நடுங்கி ஒடுங்கவும்,
மிடுக்கி ஒடுக்கவும்,
வசதியாய் போனது.

என்ன செய்து தொலைக்க..
ஊரைப்போல, நாட்டைப்போல,
நானும்தான் சுமக்கிறேன்,
அறுந்தும் விழாத என் வாலை.

ஒரு கணப்பொழுதில்.

2009-09-23T09:47:00.002+05:30

சாதாக் கட்டணத்தில் பயணம் செய்ய திணறுகிறான்,
சுவிஸ் வங்கியில் பணம் மறைத்த கதர்ச்சட்டைக்காரன்.

மண்ணெண்ணெய் இன்று இல்லை,
ரேஷன் கடை போர்டு படித்து திரும்பும்,
அயித்த மக விருமாயி.

ஜகன் மோகினிக்கு பிரமாண்ட கட்டவுட்,
தமிழ் ரசிகர்கள் ஆரவாரம்,
"அடுத்த முதல்வர் கோஷத்தோடு,
சிலைஎடுக்க சூளுரை."

வன்னி வதை முகாமில்,
பெண் போராளியின் -பிறப்புறுப்பில் ,
பூட்ஸ் கால் திணிக்கப்படுகிறது.

விண்வெளியில் குப்பை சேர்க்க,
அடுத்த கவுண்டவுன்.

சிக்னல் பிட்சைக்காரியின்,
முந்தானை பிடித்து வந்த,
ஐந்து வயதுமகள் பிரேக் பிடிக்காத லாரி மோதி பலி.

"நான் அள்ளி முடுஞ்சா-அறங்காவலர் பதவி"
"தூக்கி சொருகினா -துணை பொறுப்பு."
மேடை தோறும் முழங்குகிறாள்,
மகளிரணி தலைவி,அஞ்சு கொலை பண்ணிபுட்டு.

வேலூர் சிறையில் .....
"நளினி சாகும் வரையில் உண்ணாவிரதம்".

வாடிகன் கர்தினால்,
அமெரிக்க சுற்றுலா பயணம்.

லாஸ்வேகாஸ் இரவு விடுதியில்,
வெள்ளைக்கார சிறுமி ஒருத்தி,
தேம்பி தேம்பி அழுகிறாள்.

ஓசோன் படலம்,மெது..மெதுவாய் கிழிகிறது.

துருவத்து பனிமலை மெல்ல கரைகிறது.

"மாப்ள- என் புள்ளகள பாத்துக்கடா,"
என்றபடி,என் கன்னம் தட்டி ,பிரமை களைத்த,
மாயப்பாண்டி திரும்ப்பக்கிளம்புகிறான்,
பரோலில் வந்த லீவு முடிந்து.

"இப்பொழுது வாசிக்கிறேன்...
இந்த கணப்பொழுதை"